Mikill meirihluti vill sækja um aðild að ESB

61,2% þjóðarinnar eru mjög hlynnt eða frekar hlynnt því að hefja aðildarviðræður við Evrópusambandið, samkvæmt könnun sem Gallup gerði fyrir Ríkisútvarpið. 26,9% eru frekar eða mjög andvíg. 11,8% svara hvorki né.

Stuðningur við aðild er mun meiri í Reykjavík og nágrannasveitarfélögum en á landsbyggðinni. Stuðningur eykst með auknum tekjum og meiri menntun.

Fleiri styðja aðildarviðræður en eru þeim andvígir í öllum flokkum nema Sjálfstæðisflokki. Yfir 90% þeirra sem kusu Samfylkinguna vilja aðild. 47% Vinstri grænna vilja aðildarviðræður en 36% prósent eru þeim andvíg. 41% Sjálfstæðismanna vilja viðræður en 48% eru andvíg.

Þegar spurt er hvort menn séu hlynntir eða andvígir aðild, skiptist þjóðin í nánast jafnstóra hópa. Þeir sem eru hlynntir aðild eru þó litlu fleiri en þeir sem eru andvígir. Ekki er marktækur munur á þeim sem eru hlynntir aðild og þeim sem eru á móti.

Samfylkingin hefur algjöra sérstöðu þegar kemur að áhuga á aðild að Evrópusambandinu. Nærri 80% vilja aðild en aðeins 7% eru á móti. Stuðningsmenn Borgarahreyfingarinnar vilja greinilega aðild en meðal stuðningsmanna hinna flokkanna eru fleiri andvígir en hlynntir.

Könnunin var gerð dagana 29. apríl til 6. maí. Í netúrtaki voru þrettán hundruð manns og var svarhlutfall ríflega sextíu prósent.

 

Björgvin Guðmundsson

 

 

 

 

Borgarahreyfingin setur skilyrði

Borgarahreyfingin setur 3 skilyrði fyrir að samþykkja þingsályktun um aðildarviðræður við ESB.. Fyrsta skilyrðið er,að komið verði á kynningarstofu á vegum alþingis,sem kynni ESB og undirbúning málsins vel og vandlega. Í öðru lagi,að a.m.k. 2 fagmenn verði í viðræðunefnd við ESB.Og í þriðja lagi,að tryggt verði jafnt vægi atkvæða við þjóðaratkvæðagreiðslu um aðildarsamning.

 

Björgvin Guðmundsson

Borgarahreyfingin kvartar til ESA vegna raforkuverðs

Borgarahreyfingin hefur farið fram á það við Orkustofnun að raforkuverð til álbræðslu verði gert opinbert. Þá hefur hreyfingin kvartað til eftirlitsstofnunar EFTA undan því að raforkuneytendur á Íslandi njóti ekki sanngirni og gagnsæi við samanburð á orkuverði.

Kvörtunina byggir Borgarahreyfingin á reglum Evrópuréttar um innri markaði sem fjalla meðal annars um viðskipti með raforku og rétt neytenda til raforkukaupa á sanngjörnu verði. Segir Borgarahreyfingin að sökum leyndar yfir raforkuverði til álfyrirtækja hér á landi sé illmögulegt að fjalla um rétt neytenda.

Sigurður H. Sigurðsson, framkvæmdarstjóri Borgarahreyfingarinnar, býst við að ESA kanni hvort íslenska löggjöfin samræmist þeim Evrópulögum, sem Ísland eigi að hafa tekið upp, og geri athugasemdir í samræmi við það.

Hann vonast til að þetta verði til þess að orkuverðið verði upplýst eins og margir hafi oft og víða beðið um, en ekki fengið. (ruv.is)

Það er athyglisvert,að Borgarahreyfinfgin skuli taka þetta mál upp.Það hefur víðtækan stuðning í þjóðfélaginu ,að fá öll þessi mál upp á borðið.Það er óþolandi,að leynd skuli ríkja um orkuverð til álfyrirtækja.

Björgvin Guðmundsson 

Vöruskiptajöfnuður hagstæður um 16,9 milljarða í ár

Samkvæmt bráðabirgðatölum, sem Hagstofan birti í morgun, nam   útflutningur 31,7 milljörðum króna í apríl og innflutningur  29,4 milljörðum króna. Vöruskiptin í apríl, reiknuð á fob verðmæti, voru því hagstæð um 2,3 milljarða króna samkvæmt bráðabirgðatölum.

Samkvæmt þessu hefur afgangur á vöruskiptunum við útlönd, reiknað á fob verðmæti, mumið 16,9 milljörðum króna fyrstu fjóra mánuði ársins. 

Í apríl í fyrra var 14,1 milljarðs króna halli á vöruskiptum í apríl og 32 milljarða króna halli, miðað við þáverandi gengi, á vöruskiptunum fyrstu fjóra mánuðina.   (visir.is)

Þetta eru góðar tölur og styðja við það,að stýrivextir verði lækkaðir.Verðbólgan er á niðurleið og vöruskiptajöfnuður þróast á hagstæðan hátt.Það sem er slæmt er hið mikla atvinnuleysi. Það er stærsta verkefnið,sem þarf að leysa.

 

Björgvin Guðmundsson

Á að svíkja kosningaloforðið um innköllun veiðiheimilda?

Morgunblaðið segir frá því á forsíðu í dag,að stjórnarflokkarnir ætli ekki að efna kosningaloforðið um innköllun veiðiheimilda vegna efnahagsástandsins.Þeir ætli að bíða með framkvæmd á því. Ef þetta er rétt er hér um mjög alvarlegt  mál að ræða.Það var skýrt kosningaloforð beggja stjórnarflokkanna,að veiðiheimilidir yrðu innkallaðar á 20 árum. Efnahagsástandið var álíka slæmt fyrir kosningar eins og nú þannig,að ef unnt var að innkalla veiðiheimildir þá á ´það að vera unnt nú.Telja má líklegt,að stjórnarflokkarnir hafi fengið mikið af atkvæðum einmitt út á þetta kosningaloforð.Ef til vill hefur þetta mál einmitt skipt sköpum varðandi það að stjórnarflokkarnir náðu meirihluta í kosningunum.Það er þess vegna ekki unnt að segja eftir kosningar,að þetta kosningalofirð verði ekki efnt. Ef breyta á framkvæmdinni verður að ræða það við flokksmenn beggja flokka og kjósendur.Annað eru svik.

 

Björgvin Guðmundsson