Telur koma til greina að slíta stjórnmálasambandi við Breta

Stjórnvöld hafa ekki gætt hagsmuna Íslands nægilega vel gagnvart Bretum, að mati formanns Framsóknarflokks. Hann vill að íslensk stjórnvöld íhugi að slíta stjórnmálasambandi við Bretland fallist bresk stjórnvöld ekki á að aflétta beitingu hryðjuverkalaganna. Formaður Sjálfstæðisflokks segist ekki vera bjartsýnn á að hagstæðir samningar náist í Icesave deilunni.

Ummæli Gordons Brown, forsætisráðherra Bretlands, á breska þinginu í vikunni voru ekki til þess fallinn að bæta samskipti Íslands og Bretlands sem hafa verið stirð frá því Bretar beittu hryðjuverkalögum gegn Íslandi síðasta haust.

Sigmundur Davíð Gunnlaugsson, formaður Framsóknarflokksins, segir að málið kalli á hörð viðbrögð íslenskra stjórnvalda.

„Nú þurfa íslensk stjórnvöld að sýna ákveðni í þessu máoí og allavega hringja í Gordon Brown. Það er náttúrulega hægt hvernig haldið hefur verið á þessu fram að þessu og það er ástæðan fyrir því að hann heldur áfram að færa sig upp á skaftið eins og margir gera þegar þeir komast upp með að ganga alltaf lengra og lengra. Íslensk stjórnvöld hafa ekki tekið á þessu í samræmi sem tilefni var til og þurfa að mótmæla að hörku, bæði gagnvart breskum stjórnvöldum og Alþjóðagjaldeyrissjóðnum."

Landsbankinn hefur enn ekki verið tekinn af hryðjuverkaskrá breskra stjórnvalda. Sigmundur segir ljóst að nú verði Íslensk stjórnvöl að hugleiða að slíta stjórnmálasambandi við Bretland fallist þau ekki á að aflétta beitingu hryðjuverkalaganna.

Bjarni Benediktsson, formaður Sjálfstæðisflokks, segir að Bretar hafi beitt sér gegn samstarfi Óslands og Alþjóðagjaldeyrissjóðsins síðastaliðið haust vegna Icesave-deilunnar. Hann segist ekki vera bjartsýnn á að Ísland nái viðunandi samningi vegna Icesave.

„Ég er þeirra skoðunar að það hafi miðað alltof hægt í þeim viðræðum sem hrint var af stað í vetur. Þær vísbendingar sem við höfum fengið úr viðræðum við erlendu aðilana eftir að komist var að þessum sameiginlegum viðræðum gefa ekki tilefni til bjartsýni um tekið verið tillit til efnahagslegrar aðstæðna á Íslandi. Utanríkismálanefnd alþingis hélt þeim möguleika galopnum að ef að ekki tækjust viðunandi samningar í þessum viðræðum þá væri málið aftur komið á byrjunarreit," segir Bjarni. (visir.is)

Ég tel,að slíta hefði átt stjórnmálasambandi við Bretland strax og Bretar settu á okkur hryðjuverkalög.Enn hafa þeir ekki aflétt þeim.Það kemur því vel til greina enn að slíta stjórnmálasambandi við þá.

 

Björgvin Guðmundsson

Makleg málagjöld burðardýrs fíkniefna

Margir finna til með piltinum,sem situr í fangelsi í Brasilíu vegna tilraunar til þess að smygla miklu magni af kokaini.Víst er vistin ekki góð í fangelsinu í Brasilíu en ungi íslenski maðurinn sem þar situr er uppkominn og hlýtur að hafa vitað hvað hann var að gera.Hann ætlaði að smygla miklu magni af fíkniefnum til Evrópu og eitthvað af því hefði getað lent á Íslandi og við þurfum að hugsa um þau ungmenni hér og annars staðar sem hefðu getað orðið fórnarlömb fíkniefnanna.Þeir sem eru burðardýr og flytja fíkniefni milli landa þurfa að hugsa út ´það að þeir geta stuðlað að því að leggja líf marga ungmenna í rúst. Best er fyrir unga íslenska manninn í Brasíliu að gefa upp nöfn þeirra glæpamanna,sem fjármögnuðu för hans og þá fær hann mildari dóm. Það er ekkert unnt að gera í máli unda mannsins fyrr en hann hefur hlotið sinn dóm í Brasilíu. Það er alveg sama hvað mikið verður kveinað  það verður að bíða dóms og sú bið getur verið löng. En þegar dómur hefur verið kveðinn upp er ef til vill unnt að fá piltinn framseldan til Íslands.

 

Björgvin Guðmundsson

Söngvaseiður tókst vel

Gríðarlega góð stemning var á frumsýningu Söngvaseiðs í Borgarleikhúsinu í gærkvöldi og voru leikarar klappaðir upp aftur og aftur. Þótti Valgerður Guðnadóttir ekki gefa Julie Andrews neitt eftir í hlutverki barnfóstrunnar frægu.

Leikararnir Valgerður Guðnadóttir og Jóhannes Haukur Jóhannesson litu ekki út fyrir að vera stressuð í förðun rétt fyrir frumsýningu á Söngvaseið í gærkvöldi enda líklega engin ástæða til.(mbl.is)

Það er gaman,að sýningin skyldi takast svona vel. Árið 1960 sá ég Sound of Music á Broadway í New York,með Julíe Andrews í aðalhlutverki. Það var mikil upplifun og gífurlega skemmtilegt.

 

Björgvin Guðmundsson