Michael Jackson látinn

Poppgoðið Michael Jackson var flutt á sjúkrahúsi í kvöld í Los Angeles. Fréttavefur L.A. Times hefur heimildir fyrir því að Jackson hafi þegar verið úrskurðaður látinn af völdum hjartaáfalls. 

Þegar bráðaliðar komu að húsi hans í kvöld andaði Jackson ekki, að því er kemur fram á fréttavef LA Times. Beittu bráðaliðarnir hjartahnoði og var Jackson síðan fluttur á UCLA sjúkrahúsið.

Hringt var á neyðarlínuna 911 klukkan 8:21 í kvöld, frá heimili hans í Holmbly Hills, að sögn fréttavefjarins TMZ.  Jackson lést skömmu eftir klukkan 19 í kvöld, hann var fimmtugur og lætur eftir sig þrjú börn.

Michael Jackson vann að undirbúningi tónleikaraðar sem átti að hefjast í London þann 13. júlí. Tónleikaröðin átti að marka endurkomu hans í tónlistarheiminn, en jafnframt að vera hans síðasta.  Jackson hafði ekki komið fram á tónleikum í yfir áratug. Hann hafði seinkað tónleikunum í London en talsmenn hans neituðu því að það stæði í tengslum við heilsu hans.

Michael Jacson lifði einangruðu lífi eftir að hann var sýknaður af ákæru um kynferðiafbrot gegn ungum dreng árið 2005 og að hafa ráðgert að ræna drengnum. Þrátt fyrir sýknun hafði ákæran alvarlegar afleiðingar fyrir feril Jackson.

Jackson var fæddur 29. ágúst 1958 og kom fyrst fram á sjónarsviðið ásamt fjórum eldri bræðrum sínum í Jackson Five poppsveitinni þar sem hann var aðalsöngvari. Þrátt fyrir miklar vinsældir minntist Jackson þessara ára sem fullum óhamingju og einmanaleika.

Michael Jackson gaf út fyrstu sólóplötuna sína „Off the Wall“ árið 1979 og seldist hún í 10 milljónum eintaka. Árið 1982 kom svo út platan „Thriller“ sem reyndist mest selda plata allra tíma en hún seldist í yfir 41 milljón eintaka. Platan „Bad“ kom út árið 1987 (20 milljón eintaka seld) og „Dangerous“ árið 1991 (21 milljón eintaka seld). 

Árið 1991 undirritaði Jackson samning við Sony Music sem hefur verið nefndur arðbærasti samningur tónlistarmanns. Hlutur Jackson var ekki gefinn upp en Sony mat sölumöguleikana á milljarð Bandaríkjadala.

Líf Michael Jackson var skrautlegt og var hann vinsælt efni slúðurblaða m.a. vegna umtalsverðra lýtaaðgerða og ákæru um kynferðisofbeldi gegn ungum dreng sem var sett fram árið 1993 uns Jackson var sýknaður árið 2005.

Michael Jackson kvæntist Lisa Marie Presley, dóttur Elvis Presley árið 1994 en þau skyldu eftir tæp tvö ár. Hann kvæntist svo Debbie Rowe, hjúkrunarkonu sem hann kynntist er hann fór í lýtaaðgerð árið 1997. Þau eignuðust tvö börn, Prince Michael og Paris Michael Katherine áður en þau skildu árið 1999.

Jackson var með forræði yfir börnunum tveimur auk þess þriðja, Prince Michael II, sem Jackson eignaðist með óþekktri konu. (mbl.is)

Það er mikil eftirsjá af Michael Jackson.Hann var mikill tónlistarmaður og ég spái því,að vinsældir hans muni nú stóraukast á ny,þegar hann er látinn.

 

Björgvin Guðmundsson

 

 

 

 

 

Kjaraviðræður opinberra starfsmanna að hefjast

Fyrsti formlegi samningafundur hefst á þriðjudagsmorgun í karphúsinu og við ætlum okkur viku til þess að klára þetta,“ segir Árni Stefán Jónsson, formaður BSRB um kjaraviðræður stéttarfélaga opinberra starfsmanna við ríki og sveitarfélög.

Fulltrúar BSRB, BHM og Eflingar hittu í dag fulltrúa samninganefndar ríkisins, launanefndar sveitarfélaga og Reykjavíkurborgar þar sem gengið var frá viðræðuáætlun vegna kjaraviðræðna á opinberum vinnumarkaði.

„Menn taka sér nú frí fram yfir helgi en alvara lífsins tekur við á ný á þriðjudagsmorgun,“ segir Árni Stefán Jónsson.

Viðræðurnar taka mið af stöðugleikasáttmála ríkisstjórnar, sveitarfélaga og aðila vinnumarkaðarins sem undirritaður var fyrr í dag. Forsendur stéttarfélaga á opinberum vinnumarkaði fyrir gerð kjarasamninga eru að ekki verði gripið til lagasetninga eða annarra stjórnvaldsaðgerða sem hafa bein áhrif á innihald kjarasamninga eða kollvarpa með öðrum hætti þeim grunni sem kjarasamningar byggja á. Þetta hindrar þó ekki að sett verði lög sem kalla á breytingar á kjarasamningum enda sé um slíkt samið milli aðila kjarasamnings í framhaldinu.

Formaður BSRB segir kjaraviðræðurnar fyrst og fremst snúast um bætur til handa þeim lægst launuðu, ekki sé við því að búast að kjarabætur náist fram fyrir alla hópa.(mbl.is)

Búast má við að þeir lægst launuðu meðal opinberra starfsmanna fái svipaðar hækkanir og ASÍ náði fram fyrir þá lægst launuðu.

 

 

 

Björgvin Guðmundsson

 

Aldraðir og öryrkjar dragast aftur úr í launaþróuninni

Undanfarin ár hafa laun á almennum vinnumarkaði hækkað meira en lífeyrir aldraðra og  öryrkja.En það hefur verið baráttumál Samfylkingarinnar,að lífeyrir aldraðra hækkaði í takt við lágmarkslaun á almennum markaði.

Árið 2007  nam lífeyrir ellilífeyrisþega,  einhleypinga,  100,3 % af lágmarkslaunum. En árið 2008 nam þetta hlutfall 96%.Árið 2007 nam lífeyrir ellilífeyrisþega,einstaklinga í hjónabandi,  81,8% en árið 2008 var þetta hlutfall 79,5%.Tölur þessar leiða í ljós,að  lágmarkslaun hafa hækkað meira en lífeyrir aldraðra.Hvernig má þetta vera? Var ekki á þessum árum verið að bæta kjör eldri borgara. Jú en það var fyrst og fremst verið að bæta kjör þeirra sem voru á vinnumarkaði með því að draga úr tekjutengingum.En kjör þeirra,sem ekki eru á vinnumarkaði voru lítið bætt fyrr en 1.september 2008 ,þegar lágmarksframfærsluviðmið var ákveðið  og þeir lægst launuðu fengu nokkra hækkun ( 25 þús.kr. greiðsla fjármálaráðuneytis  var reiknuð með tryggingabótum frá 1.sept 2008) Afnám tengingar vegna tekna maka var einnig mikil kjarabót og mannréttindabót.

 

Björgvin Guðmundsson

Búið að undirrita stöðugleikasáttmála.Aldraðir og öryrkjar gleymdust!

Samningar hafa tekist um stöðugleikasáttmála sem er eitt af meginmarkmiðum ríkisstjórnarinnar við endurreisn efnahagslífsins. Forsvarsmenn ríkisstjórnar, sveitarfélaga, atvinnurekenda og verkalýðshreyfingar og stéttarfélaga skrifuðu undir samninginn í Þjóðmenningarhúsinu í dag. Stöðugleikasáttmálinn tekur til margra þeirra helstu þátta sem mestri óvissu hafa verið háðir síðustu mánuðina og er sáttmálinn ein þeirra meginstoða sem framtíðar uppbygging efnahagslífsins hvílir á. Jóhanna Sigurðardóttir forsætisráðhera segir þetta afara mikilvægan áfanga og veigamikla forsendu fyrir endurreisnarstarfinu á næstu misserum.

Þetta kemur fram í tilkynningu frá forsætisráðuneytinu.

„Hér höfum við fengið siglingakort sem aðilar á almenna og opinbera vinnumarkaðnum hafa ásamt ríkisstjórn og sveitarstjórnum sammælst um að hafa að leiðarljósi. Ég fagna þessum sáttmála og þakka öllum sem komið hafa að málum fyrir þrotlausa vinnu og óeigingjarnt starf."

Þá segir að markmið stöðugleikasáttmálans sé að stuðla að endurreisn efnahagslífsins. Í upphafi viðræðna settu samningsaðilar sér markmið um að í lok árs 2010 verði verðbólga ekki yfir 2,5%, halli hins opinbera verði ekki meiri en 10,5% af VLF, að dregið hafi úr gengissveiflum, gengið styrkst og hafi nálgast jafnvægisgengi.

Einnig verði vaxtamunur við evrusvæðið innan við 4%. Þannig hafi skapast skilyrði fyrir auknum fjárfestingum innlendra sem erlendra aðila, auknum hagvexti, nýrri sókn í atvinnumálum og grunnur lagður að bættum lífskjörum til framtíðar.

Samhliða gerð þessa sáttmála hafa aðilar vinnumarkaðarins sameinast um að eyða óvissu á vinnumarkaði með því að ljúka gerð kjarasamninga sem gilda til nóvemberloka árið 2010, þar sem áhersla er lögð á að styrkja stöðu þeirra tekjulægstu.

Samningurinn er birtur í heild sinni á vef stjórnvalda, www.island.is en helstu atriði hans eru þessi:

· Kjarasamningar á almennum vinnumarkaði framlengdir til loka nóvember 2010. Gengið verður frá samningum á opinbera markaðnum í þessum anda eins fljótt og auðið er.

· Fyrirliggjandi aðgerðaáætlun í ríkisfjármálum til 2013 lögð fram og sameiginlegur skilningur skapaður á markmiðum tímabilsins 2009 - 2011. Hlutdeild skattahækkanna verður ekki meiri en 45% af þeirri upphæð sem þarf til að tryggja jafnvægi í ríkisfjármálunum.

· Mikil áhersla á að tryggja að bætt verði staða lántakenda og skuldsettra heimila. Ríkisstjórn fer yfir og endurskoðar fyrirliggjandi úrræði og gerðar tillögur um viðbætur eftir því sem þörf krefur.

· Framkvæmdir til að stuðla að aukinni atvinnu þar sem lögð er áhersla að greiða götu stórframkvæmda og ráðist í samstarf við lífeyrissjóði um þátttöku í fjármögnun verkefna.

· Tímasettar áætlanir um endurreisn bankanna og eigendastefnu ríkisins, erlendir aðilar muni geta eignast hlut í íslenskum fjármálafyrirtækjum m.a. til að greiða fyrir aðgangi að lánsfé. Endurskipulagning eignarhalds bankanna lokið 1. nóvember 2009.

· Sameiginleg viðmið mótuð um endurreisnar atvinnulífsins og aðkomu opinberra aðila að atvinnustarfsemi og eignarhaldi á fyrirtækjum.

· Tímasettar ráðstafanir í gengismálum þar sem lögð verður fram áætlun fyrir 1. ágúst um afnám hafta . Markmiðið með þessu er að tryggja stöðugleika krónunnar. Leitast verði við að aflétta hömlum á nýrri fjárfestingu fyrir 1. nóvember 2009.

· Vaxtamál þar sem aðilar vinnumarkaðarins lýsa því að vextir verði að lækka og verði komir í eins stafs tölu fyrir 1. nóvember.

· Sameiginlegt átak í málefnum sem snúa að sveitarfélögunum og varða samstarf á sviði efnahagmála og samræmingu upplýsinga og aðgerða í búskap hins opinbera.

· Framtíðarsýn í málefnum lífeyrissjóða verður til skoðunar og stefnt er að því að fresta öllum ákvörðunum um skerðingu réttinda og fjármögnun frestað meðan fyrrnefnd skoðun fer fram.

· Virkt samstarf um eftirlit á vinnustöðum og innleiðingu vinnustaðaskírteina til að tryggja réttindi starfsfólks, vinna gegn svartri atvinnustarfsemi og misnotkun atvinnuleysisbóta.

· Framkvæmd yfirlýsingar ríkisstjórnar frá 17. febrúar 2008 um réttindi launafólks er varða Starfsendurhæfingarsjóð, sjúkra og fræðslusjóði og fullorðinsfræðslu.(visir.is)

Það er mikið ánægjuefni,að búið sé að undirrita stöðugleikasáttmála. Væntanlega verður hann til þess að auðveldara verður að  ná verðbólgunni niður svo og stýrivöxtum. Framlenging kjarasamninga er í höfn og launþegar fá 13500 kr. kauphækkun í tvennu lagi,helming 1.júlí og helming 1.nóv. En aldraðir og öryrkjar gleymdust. Það hefur oft áður,meira að segja þegar íhaldið var í stjórn,verið passað upp á það,að aldraðir og öryrkjar fengju sömu hækkun og launþegar almennt. Nú var ekki aðeins að það gleymdist heldur lækka stjórnvöld laun aldraðra og öryrkja um leið og laun á almennum markaði hækka!

 

Björgvin Guðmundsson

Ítrekað níðst á eldri borgurum og öryrkjum

Samkvæmt kjarasamningum ASÍ og atvinnurkenda í febrúar 2008 hækkuðu lægstu laun um 16% eða um 18000 á mánuði.Ríkisstjórnin,sem þá sat,skammtaði hins vegar eldri borgurum aðeins tæplega helmingi þessarar hækkunar eða 7,4% hækkun.Þessu var harðlega mótmælt, þar eð búið var að marglofa því,að lífeyrir aldraðra ætti að hækka í samræmi við hækkun lágmarkslauna.Vegna þessa þá  nam lífeyrir aldraðra aðeins 93,74% af lágmarkslaunum  fyrstu 8 mánuði ársins eða til 1.september,er lágmarksframfærsluviðmið var ákveðið.

Umsamdri launahækkun ASÍ,sem koma átti til framkvæmda  um sl. áramót, var frestað til 1.júlí.En 1.júlí og l.nóvember munu laun á almennum markaði hækka um 13500 kr. samanlagt Aftur eru eldri borgarar hlunnfarnir.Þeir fá enga launahækkun eins og launþegar  1.júlí og nú er bætt um betur og laun ( lífeyrir) eldri borgara  lækkuð.Er unnt að réttlæta  þessa framkomu við eldri borgara? Ég segi nei. Það er ítrekað hoggið í sama knérunn. Um áramót var umsamin verðlagsuppbót einnig  skert hjá 30 þús lífeyrisþegum.Þeir fengu aðeins 9,6% verðlagsuppbót,þegar verðbólga var  20%. 1/4 hluti lífeyrisþega fékk 20% hækkun.

 

Björgvin Guðmundsson 

Verður stöðugleikasáttmáli undirritaður í dag?

Fundir standa enn yfir hjá samtökum opinberra starfsmanna um þá niðurstöðu, sem fékkst í gærkvöldi í viðræðum um stöðugleikasáttmála. Gert er ráð fyrir að skrifað verði undir sáttmálann klukkan 13 ef ekkert kemur óvænt kemur upp á.

Samkvæmt upplýsingum  stendur ekkert í vegi fyrir því, að Alþýðusamband Íslands og Samtök atvinnulífsins undirriti samkomulag um framlengingu kjarasamninganna og stöðugleikasáttmála við ríkisvaldið.

Ekki liggur fyrir enn hvar undirritunin fer fram en fastlega er búist við að það verði í húsakynnum ríkissáttasemjara.

 

Björgvin Guðmundsson

 

Eiga aldraðir og öryrkjar að draga vagninn?

Þeir,sem komnir eru á ellilífeyrisaldur hafa átt stóran þátt í að byggja upp það þjóðfélag,sem við búum við í dag,m.a. velferðarkerfið. Þessu gleyma þeir,sem yngri eru oft. Þeir virðast telja,að íslenskt þjóðfélag hafi dottið af himnum ofan fullskapað.

Það eru slæmar þakkir,sem eldri borgarar fá í dag,þegar ríkisstjórnin ræðst á  velferðarkerfið og ætlar að skera niður lífeyri eldri borgara   og öryrkja strax 1.júlí.Eldri  borgarar og öryrkjar eiga að draga niðurskurðarvagninn fyrir ríkisstjórnina,þar eð engar aðrar niðurskuröartillögur taka gildi strax 1.julí.Það er að vísu sagt,að skera eigi niður í vegagerð  á þessu ári en ekki hefur neitt verið ákveðið hvernig sá niðurskurður kemur niður og í athugun er að fá lán úr lífeyrissjóðunum til þess að komast hjá niðurskurði en einnig er rætt um einkaframkvæmd.Það eina sem er fast í hendi í niðurskurði á yfirstandandi ári   er velferðarkerfið-,þ.e. bætur aldraða og öryrkja.Þær eiga að lækka  en önnur ráðuneyti ætla ekkert að skera niður fyrr en næsta ár.Hvers vegna  félags-og tryggingamálaráðuneytið gengur fram fyrir skjöldu er alger ráðgáta.Það ráðuneyti lætur a.m.k ekki mótmæli hagmsmunasamtaka aldraðra og öryrkja trufla sig.Samráðið var aðeins til málamynda.

 

Björgvin Guðmundsson

Hvað varð um SAMRÁÐ ríkisstjórnarinnar við hagsmunasamtök almennings?

Sagt er,að búsáhaldabyltingin hafi átt einhvern þátt í því að koma ríkisstjórninni til valda. Í öllu falli átti sú bylkting stóran þátt í þingkosningunum 25.apríl sl. Talsmenn núverandi ríkisstjórnar létu mörg orð falla um það,að þeir vildu taka upp ný vinnubrögð,auka lýðræði og gegnsæi og hafa samráð við hagsmunasamtök almennings um mikilvæg mál. Nú fæst prófsteinn á raunverulegan vilja ríkisstjórnarinnar í þessu efni.Niðurskurðartillögur ríkisstjórnarinnar kalla á samráð við hagsmunasamtök almennings.Ríkisstjórnin hefur m.a. lagt fram tillögur um niðurð almannatrygginga þó lofað væri að standa vörð um velferðarkerfið.Ríkisstjórnin leggur til,að  lífeyrir eldri borgara og öryrkja verði skorinn niður.Og hvernig er samráði háttað? Jú félags-og tryggingamálaráðherra hefur sýnt Landsambandi eldri borgara og Öryrkjabandalagi Íslands tillögurnar um niðurskurð bóta aldraða og öryrkja.Bæði þessi samtök hafa lagst alfarið  gegni tillögunum og óskað eftir að þær verði dregnar til baka.En ekki er farið eftir því.Er samráðið ef til vill aðeins tiil málamynda? Hefur þá ekkert breyst. Er þetta alveg eins og áður og  samráð til málamynda.Stjórnmálamenn ryðjast áfram með tillögur sínar og taka ekkert tillit til almennings eða hagsmunasamtaka.

 

Björgvin Guðmundsson