Of mikill niðurskurður á þorski

Ég tel að það sé verið að fara of bratt í niðurskurð bæði í þorski og ýsu,“ segir Einar k. Guðfinnsson, fyrrverandi sjávarútvegsráðherra um ákvörðun um heildarafla á næsta ári. Þorskkvótinn fer í 150 þúsund tonn og ýsukvóti er skertur um 30 þúsund tonn og verður 63 þúsund tonn.

Einar K. Guðfinnsson sagist fyrir stundu ekki hafa haft aðstöðu til að skoða þetta nákvæmlega en hann ræki augun í tvennt.

„Í fyrsta lagi er það niðurstaða ráðherrans að fara með heildaraflann niður í 150 þúsund tonn í þorski, sem er í raun og veru ákvörðun sem hann tók á fyrstu dögum sínum þegar hann tilkynnti Alþjóðahafrannsóknaráðinu í bréfi að það yrði fylgt 20% aflareglu næstu fimm árin. Ég hefði hins vegar talið skynsamlegast að hann hefði fylgt ákvörðun minni frá því vetur, sem er sú að veiða 160 þúsund tonn á ári á yfirstandandi fiskveiðiári og því næsta og skapa með því ákveðinn stöðugleika gagnvart sjávarútveginum,“ segir Einar K. Guðfinnsson fyrrverandi sjávarútvegs- og landbúnaðarráðherra.

Einar ákvað í janúar sl. að auka hámarksafli í þorski um 30 þúsund tonn. Heildaraflamark á yfirstandandi fiskveiðiári var því 160 þúsund tonn, í stað 130 þúsund tonna sem áður hafði verið ákveðið. Þessi ákvörðun var tekin í ljósi þeirra efnahagserfiðleika sem þjóðarbúið glímir við og með hliðsjón af jákvæðari vísbendingum um stöðu þorskstofnsins sem fram komu í stofnmælingu botnfiska sl. haust. Í þeirri mælingu kom fram að heildarvísitala þorsks væri mun hærri en undanfarin ár. Jafnframt var gert ráð fyrir að á næsta fiskveiðiári yrði heildaraflamark í þorski eigi lægra en 160 þúsund tonn. En það verður eins og áður segir 150 þúsund tonn.

Einar Guðfinnsson segir að niðurskurður í ýsu sé alltof harkalegur.

„Ég út af fyrir sig gagnrýni það ekki að ýsukvótinn sé lækkaður frá yfirstandandi fiskveiðiári en ýsustofninn er hins vegar sterkur. Það væri að mínu mati algjörlega ábyrgt og auðvitað mjög skynsamlegt að fara sér hægar í sakirnar varðandi niðurskurðinn á ýsunni. Ég vil að menn nálgist þessi mál með mjög ábyrgum hætti. Ég tel að við þurfum líka að geta sagt umheiminum að við séum að umgangast okkar auðlind þannig að um sé að ræða sjálfbæra nýtingu. Það sjónarmið virði ég og hef verið talsmaður þess. En ég tel hins vegar að það að fara hægar í sakirnar gagnvart niðurskurðinum í ýsunni og að fylgja þeirri ákvörðun sem ég tók í vetur, væri fullkomlega innan þeirra marka,“ segir fyrrverandi sjávarútvegsráðherra.(mbl.is)

ÉG er sammála Einari. Niðurskurðurinn er of mikill og það virðist nógur þorskur í sjónum.Niðurskurður á ýsu er einnig of mikill.

 

Björgvin Guðmundsson

Eindæma veðurblíða á höfuðborgarsvæðinu

Það stefnir í að dagurinn í dag verði sá heitasti á Suðvesturhorninu það sem af er sumri. Hiti þar hefur verið að mælast í kringum 22 stig. Hlýjast á landinu er á höfuðborgarsvæðinu. Hitamet í Reykjavík í júlí er tæp 26 stig og mældist það 30.júlí í fyrra. Dagurinn í dag er því nokkuð langt frá metinu.

Næstu daga verður skýjað og því kólnar væntanlega eitthvað á suður- og vesturlandi, en þó gæti hlýnað aftur næstu helgi.

Fyrir norðan og austan verður heldur svalt og rigning í vikunni.(mbl.is)

Það er gaman þegar veðrið er svona gott,hiti og sólskin eins og best gerist

í  heitari löndum.Við hjónin vorum úti á svölum og sleiktum sólskinið og drukkum þar kaffi og te.

 

Björgvin Guðmundsson.

 

 

Aðildarviðræður samþykktar á þriðjudag?

Allt bendir nú til þess að alþingi samþykki n.k. þriðjudag að sækja um aðild að ESB svo unnt sé að fá aðildarviðræður og sjá hvað er í boði.Hér er um stórmerkilegan atburð að ræða,þann merkasta á alþingi síðan Ísland gekk í NATO.Fjölmiðlar virðast ekki gera sér grein fyrir því hvað hér er um merkan atburð að ræða.Þeir fjalla lítið um málið og  segja frá því sem litilli  frétt.Sennilega er það vegna þess að málið hefur verið lengi í gangi og alltaf er rætt um þetta sem aðildarviðræður en ekki sem umsókn um aðild að ESB en ekki er unnt að fá aðildarviðræður nema  með formlegri umsókn.Sumir hafa misskiliið þetta m.a. einn þingmaður,Birgitta Jónsdóttir. Hún  hélt,að  unnt væri að fá könnunarviðræður án þess að sækja um aðild að ESB.Það er ekki unnt.

Það að Ísland sæki um aðild að ESB er mikill viðburður. Síðan á eftir að sjá hvernig viðræður ganga og hvort það fæst viðunandi samningur.Það getur tekið tvö ár að fá niðurstöðu í það.Ég legg áherslu á,að viðunandi samningur fáist um sjávarútvegsmál.

Björgvin Guðmundsson

Björgvin G.Sigurðsson: Býst við,að tillagan verði samþykkt

Björgvin G. Sigurðsson, þingflokksformaður Samfylkingarinnar gerir ráð fyrir að þingsályktunartillaga ríkisstjórnarinnar um aðild að evrópusambandinu verði samþykkt.

Þingmenn ríkisstjórnarinnar eru 34 og fimm þeirra, allir vinstri grænir hafa lýst því yfir að þeir ætli ekki að styðja þingsályktunartillögu ríkisstjórnarinnar um aðildarviðræður að Evrópusambandinu.

Steingrímur J. Sigfússon, formaður flokksins, sagði í samtali við fréttastofu nú rétt fyrir fréttir að hann vissi ekki hvað hinir níu ætluðu að gera, hann hefði ekki talið hausana, eins og hann orðaði það. 32 þingmenn þurfa að greiða tillögunni atkvæði, að því gefnu að enginn sitji hjá. Til að ályktunin verði samþykkt þurfa því minnst þrír þingmenn minnihlutaflokkanna að greiða henni atkvæði.

Björgvin G. Sigurðsson, þingflokksformaður Samfylkingarinnar væntir þess að það sé góður meirihluti fyrir tillögunni á Alþingi, þó að ríkisstjórnin hafi ekki tryggt sér sérstaklega atkvæði neinna úr minnihlutanum.

Tveir þingmenn Framsóknarflokksins hafa lýst því yfir að þeir ætli að styðja tillögu ríkisstjórnarinnar. Birgitta Jónsdóttir, þingflokksformaður Borgarahreyfingar segir að hinir þrír þingmenn flokksins ætli líka að gera það, en sjálf sé hún í vafa. Hún ætlar að greiða atkvæði með tvöfaldri þjóðaratkvæðagreiðslu.

Þó Norðmenn hafi fellt aðild í tvígang í þjóðaratkvæðagreiðslu, segist hún ekki líta svo á að aðstæður þjóðanna séu sambærilegar. Íslenskt samfélag sé í rústum. Þó að Birgitta ætli að greiða atkvæði með tvölfaldri þjóðaratkvæðagreiðslu, hefur hún ekki sagt að hún ætli ekki að styðja tillögu ríkisstjórnarinnar. (ruv.is)

Erfitt er að fullyrða með vissu hvernig atkvæði falla um aðildarviðræður við ESB. En nafni ætti að fara nærri um það.Tveir þingmenn Framsóknar hafa lýst yfir  ákveðnum stuðningi við tillögu ríkisstjórnarinnar.Þau atkvæð geta skipt sköpum.

 

Björgvin Guðmundsson

 

 

 

[e-mail]

Stuðlum að því,að öryrkjar geti verið á vinnumarkaðnum!

Fréttir um að öryrkjum hafi fjölgað mikið sl. 10 ár þurfa ekki að koma á

óvart.Þetta er tímabil græðgisvæðingarinnar.Þettta er tímabil peningahyggjunnar,þegar atvinnurekendur  hugsuðu um það eitt að græða og ráku miskunnarlaust þá starfsmenn,sem ekki skiluðu hámarksafköstum.Það kiknuðu  margir starfsmenn á þessu tímabili,þeir þoldu ekki álagið og hrökkluðust af vinnumarkaðnum. Margir þessara starfsmanna urðu öryrkjar.Það er til hagsbóta fyrir þjóðfelagið,að sem flestir geti verið á vinnumarkaðnum. Það á að greiða fyrir því að öryrkjar komist út a vinnumarkaðinn aftur og það á að stuðla að því,að þeir sem ekki hafa fulla starfsorku geti verið á vinnumarkaðnum þó þeir skili ekki hámarksafköstum.Nú hefur ríkisstjórnin aukið skerðingu tryggingabóta aldraðra svo aldraðir hafa ekki sama hag af því og áður að vera á vinnumarkaði. Sem betur fer er frítekjumarkið vegna atvinnutekna hærra hjá öryrkjum og hvetur þá til þess að vinna. Það er vel.En það þarf að gera meira., Það þarf að hjálpa öryrkjum út

á vinnumarkaðinn,í hlutastarf fyrst og  siðar ef til vill í fullt starf.Tímabil græðgisvæðingarinnar er liðið. Það er stefna jafnaðarmanna að hjálpa þeim,sem minna mega sín.

Björgvin Guðmundsson