Ice save málið afgreitt úr fjárlaganefnd um miðja næstu viku

Björn Valur Gíslason, alþingismaður VG og varaformaður fjárlaganefndar, telur að hægt verði að afgreiða Icesave-frumvarpið úr nefnd um miðja næstu viku, að því er fram kom í Ríkisútvarpinu í kvöld.

Björn Valur sagði að hann teldi að hægt yrði að afgreiða frumvarpið úr nefnd á þriðjudag eða miðvikudag. Hann sagði að samningnum verði ekki breytt. Hann muni standa óhaggaður. Hins vegar megi vel hugsa sér að hnykkja betur á endurskoðunarákvæðinu. (mbl.is)

Það er athyglisvert,að varaformaður fjárlaganefndar telur unnt að herða á endurskoðunarákvæðum í samkomulaginu um Ice save.Ég tel algera nauðsyn að svo verði gert og raunar þyrfti einnig að setja inn ákvæði um að greiðslur mættu ekki vera nema t.,d. 1% af landframleiðslu.

 

Björgvin Guðmundsson

 

 

ESB: Óánægja í Framsókn

Innan úr þingflokki Framsóknar heyrast óánægjuraddir með að varaformaður flokksins hafi greitt atkvæði með tillögu ríkisstjórnarinnar um aðildarviðæður við Evrópusambandið. Þingmenn flokksins, sem fréttastofa ræddi við, eru þó á einu máli um að þetta muni ekki draga dilk á eftir sér. Lektor við Háskólann á Akureyri segir hefð fyrir því að þingmenn Framsóknar séu á öndverðum meiði í utanríkismálum.

Þingmenn Framsóknarflokksins, sem fréttastofan ræddi við, segja að Evrópumálið hafi ekki reynt eins mikið á flokkinn, og ýmsa aðra flokka, enda hafi flokkurinn byggt málflutning sinn á ályktun landsþings Framsóknar, þar sem ákveðin skilyrði voru sett fyrir aðildarviðræðum. 

Það vakti athygli í atkvæðagreiðslunni á fimmtudag að Birkir Jón Jónsson, varaformaður flokksins, greiddi atkvæði með tillögu ríkisstjórnarinnar um aðildarviðæður Íslands við Evrópusambandið, en Sigmundur Davíð Gunnlaugsson formaður á móti.

Þingmaður, sem segist styðja formanninn, segist undrandi á því að varaformaðurinn hafi valið þessa leið og hefði gjarnan viljað sjá hann greiða atkvæði öðruvísi.  Þingmaðurinn sagðist jafnframt þeirrar skoðunar að ekki ætti að sitja hjá í svo veigamiklu máli og því hefði verið farsælast, hefði Birki Jón greitt atkvæði á móti. 

Annar þingmaður tekur dýpra í árinni, og segir augljóst að Evrópumálið hafi reynt á flokkinn.  Hann hefði gjarnan viljað sjá þingflokkinn einhuga og treystir sér ekki til að segja um hvort atkvæðagreiðslan hafi eftirmála fyrir samstarf formanns og varaformanns.  Hann telur, líkt og aðrir sem fréttastofan ræddi við, að málið hafi ekki opnað sár og að Framsóknarflokkurinn komið ólaskaður frá því. 

Birgir Guðmundsson, lektor við Háskólann á Akureyri segir atkvæðagreiðsluna á fimmtudag enduróm fortíðar.  Hefð sé fyrir því að þingmenn flokksins séu á öndverðum meiði í utanríkismálum.  Nægi þar nefna að herstöðvarmálið, aðildina að EFTA og svo EES.  Hann bendir á að þegar kosið var um EES-málið í byrjun tíunda áratugar síðustu aldar hafi Halldór Ásgrímsson varaformaður verið fylgjandi aðild en Steingrímur Hermannsson formaður andvígur.  Það hafi þá verið túlkað sem meiriháttar klofningur í flokknum, en Birgir treystir sér ekki til að segja til um hvort það verði raunin nú.(ruv.is)

Það er eðlilegt,að klofningur hafi orðið í Framsókn í ESB málinu,þar eð flokkurinn var búinn að taka afstöðu með aðildarviðræðum en snérist gegn ríkisstjórninni í málinu til þess eins að koma höggi á ríkisstjórnina.

 

Björgvin Guðmundsson

 

   

Alger óvissa um Ice save

Hart er lagt að þingmönnum, stjórnarliðum jafnt sem stjórnarandstæðingum, að flýta umfjöllun um Icesave-málið en ólíklegt er, að það verði afgreitt úr nefnd fyrr en um miðja næstu viku.

Stjórnarandstæðingar telja samt enn langt í land með, að Icesave-málið verði þingtækt, segja að enn vanti upplýsingar og gögn, sem óskað hafi verið eftir.

Það er því með öllu óvíst, að það takist að ljúka sumarþinginu fyrir aðra helgi enda eru líka uppi efasemdir um Icesave-samninginn í báðum stjórnarflokkunum. Það er því eins víst, að Icesave-samningur í núverandi mynd yrði felldur í atkvæðagreiðslu á þingi.(mbl.is)

Ekkert vit virðist í því að afgreiða Ice  save án fyrirvara.Eina leiðin er að setja fyrirvara fyrir ríkisábyrgðinni,þannig,að  greiðslur afborgana og vaxta megi ekki fara upp fyrir ákveðið hlutfall landsframleiðslu á ári,t.d. 1%.

 

Björgvin Guðmundsson

 

Ríkisstjórnin verður að leiðrétta lífeyri eldri borgara strax!

Nú er kominn 18.júlí og   2 1/2 vika síðan lífeyrir eldri borgara og öryrkja var lækkaður af  svokallaðri félagshyggjustjórn.Það er engin félagshyggjustjórn,sem ræðst gegn eldri borgurum og öryrkjum.Félagshyggja gengur m.a. út á það   að  jafna kjörin í landinu,færa fjármuni til aldraðra og öryrkja og annarra,sem minna mega sín frá hinum,sem betri kjör hafa. Stjórnarflokkarnir lýstu því yfir fyrir  kosningar að þeir ætluðu að standa vörð um velferðarkerfið og ekki nóg með það, þeir lýstu því yfir við stjórnarmyndun að þeir ætluðu að koma hér á velferðarsamfélagi að norrænni fyrirmynd. Þetta hafa stjórnarflokkarnir svikið. Þeir hafa ráðist  á helgustu vé jafnaðarmanna,félagshyggjumanna  almannatryggingarnar. Stjórnin hefur skorið niður framlög til almannatrygginga þrátt fyrir loforð fyrir kosningar um annað.Á sama tíma og lífeyrir aldraðra og öryrkja var skorinn niður voru laun láglaunafólks í landinu hækkuð.Þau voru hækkuð 1.júlí sl. og verða hækkuð á ný 1.nóv. og aftur næsta  ár. Ríkisstjórnin verður að hækka lífeyri  lífeyrisþega til samræmis við hækkun láglaunfólks í landinu.Lífeyrisþegar eiga rétt á sambærilegri hækkun á  lífeyri sínum og nemur hækkun lágmarkslauna 1.júlí og 1.nóvember.Og það er sanngirnismál og í samræmi við kosningaloforð að  skerðing lífeyris 1,julí sl. verði dregin til baka.

Ríkisstjórnin fær  engan frið fyrr en hún leiðréttir kjör lífeyrisþega.Hún verður að leiðrétta kjörin strax og í síðasta lagi 1.ágúst n.k.   með gildistíma fra 1.júlí sl.

Björgvin Guðmundsson