Ellilífeyrir skorinn niður um 42%!

Ellilífeyrisþegi hringdi til mín og sagði að nú um áramótin væri ellilífeyrir hans ( tekjutrygging meðtalin) skorinn niður um 42%. Hann hefði haft  84 þús. á mánuði  frá almannatryggingum en um áramótinn hefði þetta verið skorið niður í 49 þús kr.Ástæða niðurskurðarins fjármagnstekjur makans.Var ekki verið að tala  um,að það væri hætt að láta tekjur  maka hafa áhrif á lífeyri aldraðra frá almannatryggingum.Hvers vegna gildir það ekki einnig,þegar fjármagnstekjur eiga í hlut. Einnig finnst mér ósanngjarnt að fjármagnstekjur hjóna skuli lagðar saman og deilt í með tveimur við skattlagningu.Ellilífeyrisþeginn,sem hringdi til mín sagði,að hann mundi taka út af bankareikningnum þessar fáu krónur,sem hann hafði sparað og setja þær í bankahólf.Hann sagðist ekki viljia,að Tryggingastofnun væri að rífa af honum lífeyrinn vegna þess að hann hefði sparað nokkrar krónur og lagt í banka. Ég er sammála honum.

Í fjárlögum segir,að áætlað sé að ríkið fái 4 milljörðum meira  í  tekjur  en reiknað hafði verið með vegna þess eins að unnt var að auka skerðingu tryggingabóta um 4 milljarða vegna meiri fjármagnstekna ellilífeyrisþega en áætlaðar höfðu verið.Þetta er nokkurn veginn sama upphæð og nemur skerðingu elli-og örorkulífeyris,sem tók gildi 1.,júlí sl.þ.e. á ársgrundvelli.Það hefði því ekki þurft að skerða bætur aldraðra og öryrkja neitt.

 

Björgvin Guðmundsson