Tchenguiz með 440 milljarða kröfu á Kaupþing!

Á kröfulista Kaupþings kemur fram að sjóðurinn Investec Trust Limited á Guernsey gerir 127 milljarða króna skaðabótakröfu í þrotabúið og sjóður að nafni Euro Investments Overseas á Tortóla gerir skaðabótakröfu upp á 317 milljarða króna. Heimildir fréttastofu herma að sjóðirnir séu í eigu bræðranna Robert og Vincent Tchenguiz. Samtals nema kröfur þeirra yfir 440 milljörðum króna.

 

 

Robert Tchenguiz var einn stærsti viðskiptavinur Kaupþings og náinn viðskiptafélagi eigenda bankans. Hann átti hlut í Existu og sat í stjórn þess félags, en Exista var stærsti eigandi Kaupþings.

 

Þá voru Tchenguiz bræður meðal stærstu lántakenda fallna bankans en þeir fengu samtals rúmlega tvö hundruð og áttatíu milljarða í lán frá Kaupþingi samkvæmt lánabók bankans. (visir,is)

Það er athyglisvert,að þeir sem svældu mest af peningum út úr Kaupþingi gera stærstu kröfurnar á þrotabú bankans,.Viðskipti Tchenguiz við Kaupþing voru mjög vafasöm,t.d. óeðlilega stór lán með litlum sem engum tryggingum  á móti. 

 

Björgvin Guðmundsson

 

Björgvin Guðmundsson