"Velferðarstjórnin" sker niður almannatryggingar!

Það er ekki nóg,að flokkar,sem kenna sig við félagshyggju myndi ríkisstjórn.Þessir flokkar  verða  að    framkvæma  einhver stefnumál  félagshyggju og  jafnaðar til þess að standa undir nafni.Hefur núverandi ríkisstjórn gert það? Það fer lítið fyrir því. Ríkisstjórnin hefur ráðist á kjör aldraðra og öryrkja,þ.e. kjör þeirra ,sem minnst mega sín.Það gengur þvert á stefnu félagshyggju og jafnaðar.Enda  þótt ríkisstjórnin lofaði að verja velferðarkerfið hefur hún skorið niður lífeyri aldraðra og öryrkja" um 4 milljarða á ársgrundvelli.Einnig hefur hún skorið mikið niður í heilbrigðiskerfinu.Þetta eru tvær aðalstoðir velferðarkerfisins. Engin Þörf var á því að skera niður almannatryggingarnar.Það komu í leitirnar 24 milljarðar,sem ekki  hafði verið reiknað með þegar þessi niðurskurður var ákveðinn.Niðurskurður á lífeyri aldraðra og öryrkja var því óþarfur og er það raunar óskiljanlegt hvers vegna "velferðarstjórn" sker niður lífeyri lífeyrisþega.

Björgvin Guðmundsson

Athugasemdir

[Guðrún Norberg (IP-tala skráð) 23.1.2010 kl. 14:33]

Ég er ekki hissa þótt fyrsta verk þessarar ríkisstjórnar hafi verið að skerða lífsgæði eldriborgara. Virðingin fyrir þeim sem komnir eru á eftirlaun er ósköp takmörkuð (67 ár) Félagsmálaráðherra Árri Páll lét eftirfarandi úr munni sínum fara sem skýringu á hegðun sinni:   

;Frítekjumark ellilífeyrisþega vegna atvinnutekna við útreikning tekjutryggingar lækkar úr 1.315.200 kr. á ári í 480.000 kr. á ári eða 40.000 kr. á mánuði. Er það gert vegna þess mikla atvinnuleysis sem þjóðin stendur frammi fyrir en gríðarlegur fjöldi atvinnufærra manna og kvenna þarf að lifa af atvinnuleysisbótum einum saman.;

Slík ummæli segja okkur eldriborgurum allt um hugarfar ráðherrans til þeirra sem hafa náð 67 ára aldri, lítilsvirðingin er algjör.