Matsfyrirtækið S&P með ríkissjóð á athugunarlista með neikvæðum horfum

Matsfyrirtækið Standard & Poor's (S&P)hefur lánshæfiseinkunnir ríkissjóðs áfram á athugunarlista með neikvæðum horfum vegna áframhaldandi óvissu um erlent lánsfé.

 

Þetta kemur fram í frétt frá Seðlabankanum. Þar segir að hestu rök S&P séu aðóvissa ríkir áfram um aðgang að nægu erlendu lánsfé til að styðja við efnahagslega aðlögun Íslands og áætlun um afnám gjaldeyrishafta um leið og stefnt er að þjóðaratkvæðagreiðslu um Icesave‐lögin 6. mars 2010.

 

Lánshæfiseinkunnir fyrir Ríkissjóð Íslands, „BBB‐/A‐3" í erlendri mynt og „BBB+/A‐2" í innlendri mynt, verða áfram á athugunarlista með neikvæðum horfum næstu þrjá mánuði, til aprílloka 2010.

 

Búist er við niðurstöðu um lánshæfismatið þegar frekari upplýsingar um aðgang að erlendu lánsfé liggja fyrir, sem verður mögulega ekki fyrr en eftir þjóðaratkvæðagreiðsluna.(visir,is)

Það er alvarlegt að matsfyrirtækin skuli meta lánshæfi ríkissjóðs jafn lágt og raun ber vitni. Ástæðan er synjun forseta á lögunum um Icesave. Synjun forseta ætlar að verða þjóðinni dýrkeypt.

 

Björgvin Gupmundsson