Hagnaður Samfylkingar 58 millj. 2008

 

Samfylkingin hefur birt samstæðureikning fyrir árið 2008 á vef flokksins en reikningarnir voru sendir til Ríkisendurskoðunar í upphafi ársins. Það er lögbundin skylda stjórnmálaflokka að skila ársreikningum til Ríkisendurskoðunar og samkvæmt því vinnur Samfylkingin.

Sjálfstæðisflokkur og Frjálslyndi flokkurinn skiluðu hvorugir ársreikningum sínum. Það hlýtur að teljast ámælisvert að virða ekki lögboðnar skyldur stjórnmálaflokka hvað þetta varðar.

Rekstrarkostnaður Samfylkingarinnar og aðildarfélaga hennar  árið 2008 var rúmar 99 milljónir króna. Eignir flokksins voru rúmar 98 milljónir  króna í árslok 2008 og skuldir  rúmar 72 milljónir króna. Hagnaður ársins var rúmar 58 milljónir króna. Heildartekjur voru rúmar 171 milljónir króna og komu um 76% þeirra  sem framlög  frá ríki og sveitarfélögum, 16 % frá lögaðilum, einstaklingum og sem félagsgjöld, aðrar tekjur voru 8%. Lögaðilar voru alls 44 og framlög þeirra  í heild, um 10 milljónir  króna námu um 6% af heildartekjum flokksins(heimasíða Samfylkingar)

Björgvin Guðmundsson