Vetrarjass í Reykjavík

Vetrarjazzdagar hefjast í Reykjavík í dag. Þrettán tónleikar verða haldnir á hátíðinni, en henni lýkur á mánudag. Tríó Reynis Sigurðssonar ríður á vaðið með tónleikum á Kúltúra við Hverfisgötu í kvöld, en þar í kjallaranum leikur einnig Hljómsveit Guðjónsson-bræðra. Hátíðinni lýkur á mánudag, með tónleikum í kjallara Kúltúra, þar sem Bebop félagið ,,rekur síðasta naglann í Vetrarjazzinn 2010", undir yfirskriftinni ,,Dauðateygjurnar".

Tónleikar hátíðarinnar verða ekki eingöngu á Kúltúra.  Sigurður Flosason heldur útgáfutónleika í Þjóðmenningarhúsinu á sunnudag og norrænir djasstónlistarmenn láta að sér kveða í Norræna húsinu á föstudag og laugardag.  Útvarpað verður beint á Rás 1 frá tónleikum Pelbo/Plop í Norræna húsinu á laugardaginn kemur.  Þar koma fram tvær af efnilegustu djasssveitum Norðurlanda.  Útsendingin hefst klukkan 17:05.(ruv,is)

 

Björgvin Guðmundsson