Skuldir heimilanna nema 1800 milljörðum

Tekjulægstu hóparnir bera hátt í helming af heildarskuldum íslenskra heimila. Þetta kemur fram í rannsókn sem gerð var fyrir Neytendasamtökin. Fjórðungur heimila eru í verulegum skulda eða greiðsluvandræðum.

Skuldastaða íslenskra heimila er töluvert þyngri en hjá þeim þjóðum sem við berum okkur saman við. Þetta kemur fram í skýrslu um greiðslugetu heimilanna sem Kjartan Broddi Bragason hagfræðingur, vann fyrir Neytendasamtökin. Í niðurstöðum skýrslunnar kemur fram að heildarskuldir heimilinna nemi tæpum 1800 milljörðum króna.

Sérstök athygli er vakin á því að hvað tekjulægstu hóparnir bera mikla byrði af heildarskuldunum. Skuldir þriggja tekjulægstu hópanna nema tæplega 45% af heildarskuldunum.

Að minnsta kosti 20 - 30% heimila eru í verulegum skulda eða greiðsluvandræðum. Fjöldi einstaklinga á bak við þær tölur geti hæglega legið á bilinu 50 - 70 þúsund. Sé þetta mat rétt megi gera ráð fyrir að nauðungarsölum fjölgi umtalsvert á komandi mánuðum.
(ruv.is)

Það vek ur athygli,að tekjulægstu hóparnir bera mikinn hluta skuldanna.Skuldir þriggja tekjulægstu hópanna nema 45% af heildarskuldunum.

 

Björgvin Guðmundsson