Fjárforræði aldraðra sé virt

Á nýafstöðnum formannafundi Landssambands eldri borgara var eftirfarandi samþykkt:

Þjónustunefnd leggur megináherslu á að fjárforræði aldraðra sé virt enda telst það til grundvallarmannréttinda.  Það er óviðunandi að þeir sem dvelja á hjúkrunar- og dvalarheimilum hafi ekkert um sín fjármál að segja en fái þess í stað skammtaða vasapeninga. Því krefst þjónustunefndin þess að núverandi greiðslufyrirkomulag á öldrunarstofnunum verði lagt niður og fjárhagslegt sjálfstæði aldraðra verði tryggt.

Nefndin leggur jafnframt  áherslu á að fjölga þjónustu- og búsetuúrræðum og valmöguleikum aldraðra.  Þannig að þeir sem þess óska geti dvalið sem lengst á heimilum sínum og fái þar sem besta þjónustu, án þess að íþyngja fjölskyldum sínum. Jafnframt er lögð áhersla á að þeir sem þess óska geti dvalið á sambýlum þar sem hugað  er að andlegum, tilfinningalegum, félagslegum og líkamlegum þörfum þeirra.

Þjónustunefnd skorar á stjórn LEB að beita sér fyrir því af fullum þunga að þessum grundvallarmannréttindum verði fullnægt sem fyrst.

Ég tek undir hvert orð í ályktun Landssambands  eldri borgara.

 

Björgvin Guðmundsson