Vel sóttur fundur 60+

60+ og Samfylkingin héldu fund á Grand Hótel á laugardaginn var. Fundurinn var sérstaklega hugsaður til fræðslu og upplýsinga fyrir eldri borgara, um stöðu þeirra og réttindi á krepputímum.

Fundurinn var mjög vel sóttur og góður rómur gerður að þessu framtaki 60+. Frummælendur voru Árni Páll Árnason, félags- og tryggingamálaráðherra, sem fór yfir stöðu eldri borgara og þær Þorgerður Ragnarsdóttir, framkvæmdastjóri þróunarsviðs Tryggingastofnunar og Margrét Jónsdóttir, deildarstjóri lífeyrsisdeildar á réttindasviði Tryggingastofnunar sem fjölluðu um lífeyrisréttindi eldri borgara. Árni Gunnarsson formaður 60+ stjórnaði fundinum.

Eftir fundinn settust starfsmenn Tryggingastofnunar hjá fundargestum og svöruðu persónulegum spurningum fundarmanna og mæltist það mjög vel fyrir

 

Björgvin Guðmundsson