Atvinnuleysið í landinu er að aukast

Skráð atvinnuleysi í febrúar 2010 var 9,3% eða að meðaltali 15.026 manns og eykst atvinnuleysi um 2,2% að meðaltali frá janúar eða um 321 manns. Á sama tíma á árinu 2009 var atvinnuleysi 8,2% eða 13.276 að meðaltali.

 

Þeta kemur fram á vefsíðu Vinnumálastofnunnar. Þar segir að atvinnuleysið er 9,9% á höfuðborgarsvæðinu en 8,2% á landsbyggðinni. Mest er það á Suðurnesjum 15% en minnst á Vestfjörðum 3,6%. Atvinnuleysið er 10,2% meðal karla og 8,1% meðal kvenna.

Alls voru 16.574 atvinnulausir í lok febrúar. Þeir sem voru atvinnulausir að fullu voru hins vegar 13.528, af þeim voru 2.196 í einhvers konar úrræðum á vegum Vinnumálastofnunar, auk þess sem mikill fjöldi fer í ráðgjafarviðtöl og á kynningarfundi. 
Oft er lítil breyting á atvinnuástandi frá febrúar til mars. Í fyrra var undantekning þar á en þá var enn talsverð aukning á atvinnuleysi eftir efnahagshrunið haustið 2008. Þannig jókst atvinnuleysi um 9,6% frá febrúar til mars á árinu 2009. 
(visir.is)

Þetta eru slæmar fréttir.Þær leiða í ljós,að  atvinnuleysið er að aukast.Það má því engan tíma missa í því efni að auka atvinnu.

 

Björgvin Guðmundsson