ASÍ vill aðgerðir stjórnvalda gegn atvinnuleysinu strax

Ingibjörg R. Guðmundsdóttir, varaformaður Alþýðusambands Íslands, segir að stjórnvöld verði að grípa til ráðstafana til að sporna gegn atvinnuleysi. Það geti ekki beðið.

Atvinnuleysi mælist nú 9,3% og hefur aldrei mælst meira. Ingibjörg segir að ASÍ hafi varað við vaxandi atvinnuleysi ef ekki yrði gripið til aðgerða. Töluvert af fyrirtækjum hafi beðið eftir ráðstöfunum en nú sé svo komið að þær hafi dregist svo mikið að ástandið verði sífellt alvarlega. Ingibjörg segir að nú hljóti að vera komið að því að ríkisstjórnin og Alþingi vindi sér í atvinnumálin, burtséð frá Icesave. Finna verði mannaflafrek verkefni sem koma má af stað í hvelli – málið geti ekki beðið.(ruv.is)

Ég tek undir orð varaforseta  ASÍ.Aðgerðir þola enga bið. Ríkisstjórnin hefur  ekki  verið nægilega rösk í aðgerðum gegn atvinnuleysinu.Það þarf að verða breyting í því efni strax.

Björgvin Guðmundsson