Guðjón Arnar hættir sem formaður

Guðjón Arnar Kristjánsson formaður Frjálslynda flokksins og fyrrverandi alþingismaður ætlar ekki að gefa kost á sér í formannsembættið á ný. Landsþing flokksins fer fram 19. og 20. mars næstkomandi og verður kosið í allar trúnaðarstöður flokksins.

Guðjón hefur verið formaður flokksins frá árinu 2003 og segist hann ætla að gefa kost á sér í miðstjórn flokksins þrátt fyrir að hann láti af formennsku. (visir.is)

Frjálslyndi flokkurinn missti alla þingmenn sína í síðustu þingkosningum.Inbyrðis átök og sundrung átti stærsta þáttinn í óförum flokksins.Frjálslyndi flokkurinn átti erindi í íslensk stjórnmál þegar flokkurinn var stofnaður og barðist fyriir afnámi kvótakerfisins.En þessi barátta flokksins varð alltaf máttlausari og máttlausari  og hafði að lokum engin áhrif. En þó má vera að Frjálslyndi flokkurinn hafi haft einhver  áhrif á stefnu annarra flokka í þessu máli.Afsögn Guðjóns Arnar kemur ekki á óvart.

 

Björgvin Guðmundsson