Hraða verður fyrningu aflaheimilda

Þess verður nú vart að mönnum finnst stefna ríkisstjórnarinnar varðandi fyrningu aflaheimilda ekki nógu róttæk. Menn vilja  ganga rösklegar til verks.Menn telja það alltof langan tíma að fyrna aflaheimildirnar á 20 árum.Sumir vilja  innkalla aflaheimildirnar strax. Aðrir eins og Robert Marshall,þingmaður Samfylkingar,vill innkalla aflaheimildir á 2-3 árum.Það,sem hefur  hert á andstæðingum núverandi kerfis er seinagangur ríkisstjórnarinnar og svokallaðrar sáttanefndar.Menn gera sér það ljóst,að það kemur ekkert gagnlegt út úr svokallaðrai sáttanefnd enda er hugsunin á bak við  það að ná sátt við útgerðarmenn röng.Það þýðir ekki að reyna að semja við útgerðarmenn um að umbylta kvótakerfinu. Útgerðarmenn verða alltaf á móti því.

Lítið hefur heyrst um það hvað ríkisstjórnin vill gera við kvótana eftir að þeir hafa verið innkallaðir.Ein hugmyndin er sú að setja kvótana alla á uppboð.Það er er ef til vill réttlátasta leiðin.En sennilega væri best að fara blandaða leið: Láta hluta veiðiheimila á uppboðsmarkað og úthluta hinum hlutanum eftir ákveðnum reglum. Það sem vinnst við að fara blandaða leið er að þá er unnt að sjá til þess að nýliðar fái kvóta svo og sjávarbyggðir úti á landi,sem  ekki hafa haft neinar veiðiheimildir í landan tíma vegna þess að stórútgerðirnir fóru þaðan með allar veiðiheimildir á brott.

 

Björgvin Guðmundsson