Framfærslustyrkur borgarinnar ekki hækkaður

Formaður velferðarráðs Reykjavíkurborgar segir að borgin hyggist ekki hækka framfærslu til nauðstaddra. Það sé þó ekki góð staða að hundruð manna óski eftir mataraðstoð góðgerðasamtaka í viku hverri. Alls fengu hátt í 5000 manns matargjafir hjá góðgerðasamtökum í fyrra. Vikulega bíða nokkur hundruð manns klukkustundum saman eftir mat hjá Fjölskylduhjálp Íslands. Framkvæmdastjórinn, Ásgerður Jóna Flosadóttir, greip til þess ráðs í liðinni viku að láta Íslendinga hafa forgang á útlendinga um mat. Hún gaf þær skýringar að íslenskir eldri borgarar, öryrkjar og mæður með börn ættu erfiðara með að standa lengi í röð en aðrir. Jórunn Frímannsdóttir, formaður velferðarráðs Reykjavíkurborgar, er ekki hlynnt slíkri flokkun en segist hafa skilning á því að þeir sem hafi minni líkamlega burði fái forgang í slíkum biðröðum.(ruv.is)

Það eru slæmar fréttir,að borgin treysti sér ekki til þess að hækka framfærslustyrkinn á sama tíma og mikill fjöldi fólks þarf að leita vikulega til hjálparstofnana eftir matargjöfum.Það er ljóst,að framfærslustyrkir sveitarfélaga eru ekki nógu háir.

 

Björgvin Guðmundsson