Þarf eftirlit með ferðum inn á hálendið?

Sá hörmulegi atburður hefur gerst,að tveir menn sem voru á ferð í námunda við gossvæðið að Fimmvörðuhálsi  létust.Svo virðist,sem þeir hafi villst og orðið úti.Þessi atburður leiðir athyglina að því  hvort ekki þurfi að  hafa eitthvert eftirlit með ferðum inn á hálendið.

Það hefur oft verið rætt um þetta mál áður og sitt sýnist hverjum um það hvort taka eigi upp eftirlit með hálkendisferðum.Flestir vilja hafa þetta alveg frjálst og að fjallafarar verði að gæta eigin öryggis sjálfir.Það kann rétt að vera en  ég tel,að það mætti hafa eitthvert eftirlit með fjalla-og hálendisferðum.T.d. mætti gera það skylt að skrá sig ef ætlunin væri að fara inn á hálendið.Það mundi strax auka öryggi mikið, ef allir sem færu inn á hálendið yrðu að skrá sig með nafni,heimilisfangi og farsímanúmeri.Á þennan hátt mætti taka upp lágmarkseftirlit.

 

Björgvin Guðmuyndsson