Skattrannsóknarstjóri rannsakar á annað hundrað skattsvikanmála

Skattrannsóknarstjóri rannsakar nú á annað hundrað stór skattsvikamál og stefnir að því að kyrrsetja eignir í tugatali. Hann telur að um hundrað slík mál til viðbótar þyrftu brýnnar skoðunar við. Heildarfjárhæðir skattsvikanna gætu numið milljörðum.

Nýverið voru sett lög sem heimila kyrrsetningu eigna á meðan meint skattaundanskot eru rannsökuð. Skattrannsóknarstjóri gerir ráð fyrir að á næstu vikum og mánuðum verði eignir kyrrsettar í tugum mála. Skattrannsóknarstjóri sagði í viðtali við fréttastofu að einstök skattsvikamál gætu skipt hundruðum milljóna. Rannsókn slíkra mála tekur langan tíma, en það getur tekið hátt á annað ár að rannsaka einstök mál.(ruv.is)

Það er ljóst,að skattrannsóknarstjóri er röggsamur um þessar mundir og ætlar  að taka skattsvikamál  föstum tökum. Hann ætlar m.a. að kyrrsetja eignir skattsvikara.Það er vel. Útrásarvíkingar verða að greiða sinn hluta af samneyslunni.