Ríkisstjórnin setur 3,2 milljarða í viðhaldsverkefni.Atvinnuaukning

Ríkisstjórnin samþykkti á fundi sínum í morgun að setja 3,2 milljarða í viðhaldsverkefni á opinberum byggingum. Því hefur 500 milljónum verið bætt til viðbótar við það sem áður hafði verið samþykkt.

Um er að ræða framkvæmdir á til dæmis skólum, söfnum og sjúkrahúsum og meðal annars verður gerður skurkur í bættu aðgengi fatlaðra.

Talið er að viðhaldsverkefnin muni skapa um 200 ný ársverk og hefjast framkvæmdir í sumar. Til stendur að leggja svipaða fjármuni í sambærileg verkefni á næsta og þarnæsta ári.(visir.is)

Það er fagnaðarefni,að ríkisstjórnin  skuli leggja fjármuni í viðhaldsverkefni til þess að auka atvinnu í sumar.Atvinnuleysi er mikið og nauðsynlegt að gera allt sem mögulegt er til þess að auka atvinnu.

 

Björgvin Guðmundsson