Bankahrunið: Endurskoðendur brugðust.Þeir þögðu

Í skýrslu rannsóknarnefndar alþingis um bankahrunið er fjallað ítarlega um endurskoðun bankanna,bæði innri endurskoðun og ytri endurskoðun. Í lögum um fjármálafyrirtæki segir,að  ef endurskoðandi fái vitnesku um verulega ágalla á rekstri eða eitthvað annað sem geti veikt  fjárhagsstöðu hlutaðeigandi fyrirtækis,eigi hann að upplýsa bæði stjórn fyrirtækisins og  fjármálaeftirlitið um það. Rannsóknarnefnd alþingis spurði  endurskoðendur fjármálafyrirtækjanna hvort þeir hefðu upplýst fjármálaeftirlitið í samræmi við umrætt lagaákvæði. Enginn þeirra hafði gert það.

Eftir fall bankanna hafa tapast tæpir 8 þúsund milljarðar eða sem svarar þjóðarframleiðslu Íslands í 5 ár.Endurskoðendur hljóta að hafa orðið þess varir,að eitthvað var að í rekstri bankanna en þeir þögðu. Hvers vegna? Það kemur fram í rannsóknarskýrslunni,að endurskoðunarfyrirtækin fengu greiddar óheyrilega háar upphæðir fyrir " endurskoðun" bankanna. Um það verður rætt frekar síðar.

 

Björgvin Guðmundsson