OECD spáir 2,3% hagvexti hér næsta ár

Í nýrri skýrslu frá OECD um efnahagshorfur á Íslandi kemur fram að stofnunin spáir 2,3% hagvexti á næsta ári. Samkvæmt skýrslunni eru efnahagshorfurnar á Íslandi ívið bjartari en fyrri spár gerðu ráð fyrir.

 

Hvað hagvöxtinn varðar segir OECD að hann hafi verið neikvæður um 6,5% á síðasta ári en í desember í fyrra taldi OECD hagvöxtinn hafa verið neikvæðan um 7%. Í ár verður hagvöxturinn að mati OECD neikvæður um 2,2% sem er ívið betri útkoman en í síðustu skýrslu OECD.

 

Af öðrum lykiltölum í skýrslunni um Ísland segir að atvinnuleysið í ár verði 8,7% og að lítið dragi úr því á næsta ári þegar OECD metur að það verði 8,4%.

 

Halli á fjárlögum sem hlutfall af landsframleiðslu er talinn verða 6,4% í ár en að hann minnki síðan töluvert og verði kominn niður í 2,7% á næsta ári.

 

OECD reiknar með að verðbólgan minnki niður í 5,7% í ár og minnki síðan áfram á næsta ári niður í 4,2%.

Hvað hagvöxtinn varðar gerir OECD ráð fyrir því að hann breytist úr mínus í plús á seinnihluta þessa árs. Er það í samræmi við nýjustu spá Seðlabanka Íslands.

(visir.is)

Þetta er bjartsýnni spá en síðustu spár.Verðbólga mun fara lækkandi en illa gengur að minnka atvinnuyleysið.Það mun verða 8,4% á næsta ári.

 

Björgvin Guðmundsson