Ísland komst áfram í Eurovision

Íslenska lagið Je ne sais quoi í flutningi Heru Bjarkar Þórhallsdóttur er komið í aðalkeppni Evróvisjón sem haldin verður í Ósló næstkomandi laugardag, 29. maí.

Þau níu lönd sem einnig komast áfram í aðalkeppnina eftir undankeppnina í kvöld eru: Bosnía-Hersegóvína, Moldóva, Rússland, Grikkland , Portúgal, Hvíta Rússland, Serbía, Belgía og Albanía.

Hera Björk var að vonum ánægð með frammistöðuna og sagðist hafa grátið eins og fegurðardrotting. „Við tökum þetta á laugardaginn," sagði Hera í samtali við fréttastofu RÚV.

Þetta er í þriðja skipti í röð sem Ísland kemst upp úr undanúrslitum.(ruv.is)

Björgvin Guðmundsson