Skuldatryggingarálag Íslands lækkar

Skuldatryggingaálag ríkissjóðs Íslands stóð í lok dagsins í gær í 342 punktum (3,42%) og hefur lækkað um 27 punkta frá því síðastliðinn föstudag. Að þessu sinni á sér ekki stað almenn lækkun á skuldatryggingaálagi ríkja og í raun hefur álagið verið hækka á fleiri ríki en lækka á sama tíma, a.m.k. á meðal ríkja Vestur Evrópu.

 

Fjallað er um málið í Morgunkorni greiningar Íslandsbanka. Þar segir að engu að síður telur greiningin líklegt að þessi lækkun tengist ekki sérstökum innlendum þáttum heldur sé tilfallandi enda fátt sem hægt er að benda á í þessu tilliti að hægt sé að rekja hana til.

 

Má hér benda á tilkynninguna sem eftirlitsstofnun EFTA sendi frá sér í gær um að Ísland hafi brotið gegn Evróputilskipun um innstæðutryggingar með því að mismuna innlendum og erlendum innistæðueigendum, sem telst tæpast til jákvæðra tíðinda fyrir Ísland á erlendum mörkuðum.

 

Af ríkjum Vestur Evrópu er skuldatryggingaálagið á ríkissjóð Íslands næsthæst á eftir álaginu á Grikkland sem stóð í lok dags í gær í 691 punktum. Fast á hæla Íslands kemur Portúgal og var skuldatryggingaálagið á það 326 punktar í gær.

 

Lægst er skuldatryggingaálag á hin Norðurlöndin, auk Þýskalands, og eru Norðmenn þar með yfirburðastöðu. Álagið á norska ríkið í lok dags í gær nam aðeins 21 punktum.(visir.is)

 

Björgvin Guðmundsson