Óljós stefna Jóns Gnarr

Oddvitar framboðanna  í Reykjavík komu fram í kastljósi RUV í gærkveldi.Stefnan var nokkuð skýr hjá gömlu floikkunum. Dagur B.Eggertsson oddviti Samfylkingar lagði  mesta áherslu á atvinnumálin og  sagði að Samfylkingin vildi skapa 5 þús. ný störf á næstu 4 árum.Hann skýrði hvernig Samfylkingin ætlaði að fjármagna það. Sóley Tómasdóttir lagði aðaláherslu á velferðarmálin og Hanna Birna sagði að skattar yrðu ekki hækkaðir.Hins vegar var stefnan mjög óskýr hjá Jóni Gnarr.Hann ýmist svaraði ekki eða mjög óljóst.Eitt helsta mál hans var að koma ætti upp fangelsi á Kjalarnesi fyrir erlenda hvítflibbaglæpamenn.Taldi hann að margir gætu fengið vinnu við það. Ljóst var að Jón Gnarr hafði lítið fram að færa þegar gamanmálum var sleppt.

 

Björgvin Guðmundsson