Dagur:Kominn tími á eitthvað nýtt í pólitíkinni

Það er kominn tími á eitthvað nýtt í pólitíkinni," segir Dagur B. Eggertsson, oddviti Samfylkingarinnar í Reykjavík. Hans tilfinning er að borgarbúar séu spenntir fyrir samstarfi Samfylkingarinnar og Besta flokksins. Á félagsfundi sem nú stendur yfir greinir Dagur sínu fólki frá viðræðunum og ræðir úrslit kosninganna.

Fundurinn var þéttsetinn og settur upp með óhefðbundnum hætti í samræmi við kröfur um breytingar. Við upphaf fundarins sagði Dagur að niðurstöðurnar úr nýfafstöðnum sveitarstjórnarkosningum  hefðu verið skellur fyrir flokkinn.Hann er bjartsýnn á samstarfið við Besta flokkinn og segir spennu vera fyrir samstarfinu. Því fylgi bæði óvissa og eftirvænting. Hugur sé í Samfylkingunni og borgarbúum.

Hann segir verkefnin borginni efst á baugi. Fjárhagsstaðan sé þröng en ýmsar hugmyndir séu í gangi og horfa eigi til framtíðar. Koma þurfi þeim heim og saman við þann raunveruleika sem blasir  við í stjórn borgarinnar.(ruv.is)

 

 

Björgvin Guðmundsson

Athugasemdir

[Stefán Júlíusson (IP-tala skráð) 3.6.2010 kl. 07:45]

Látum Samfylkinguna vera raunsæismanninn og Besta flokkinn vera flipp flokkinn!!

Þannig mun þetta samstarf ganga.

Dagur mun verða stærri eftir það;)