Steingrímur:Engin ákvörðun um launafrystingu

Ríkisstjórnin hefur engar ákvarðanir tekið, né markað stefnu um að laun opinberra starfsmanna verði fryst til ársins 2013. Fjármálaráðherra segir hugmyndir um slíkt vera ótímabærar, enda sé nú unnið að fjárlagagerð fyrir árið 2011.

Ríkisstjórnin kom saman til fundar í stjórnarráðshúsinu í morgun. Á meðal mála sem voru á dagskrá var nýtt frumvarp um iðnaðarmálagjald, skipulagsbreytingar í samgönguráðuneytinu, hestapestin og frestun landsmóts hestamanna vegna hennar.

Árni Páll Árnason félagsmálaráðherra var ekki á fundinum í morgun, en hann ritar grein í Fréttablaðið í dag þar sem hann kallar á þjóðarsátt um róttækar aðgerðir í fjármálum ríkisins. Á meðal þess sem hann leggur til þar er að Þjóðmenningarhúsinu verði lokað, skorið verði niður í samgöngumálum og fækkað verði í starfsliði á vegum utanríkisþjónustunnar erlendis.

Þá leggur félagsmálaráðherra til  að laun ríkisstarfsmanna verði fryst til 2013.(visir.is)

BHM hefur mótmælt hugmyndum félagsmálaráðherra. Ég tel óábyrgt að fleygja þeim fram á þann hátt,sem ráðherrann gerði.Það er ekki nauðsynlegt að frysta laun í mörg ár og alveg út úr korti að tengja lífeyri við laun ríkisstarfsmanna. Aldraðir og öryrkjar eiga inni leiðréttingu á lífeyri sínum.

Björgvin Guðmundsson