Dómsmálaráðherra: Lánastofnanir túlki dóma hæstaréttar

Ragna Árnadóttir dómsmálaráðherra telur að lánastofnanir hljóti að eiga frumkvæði að því að túlka dóma hæstaréttar um gengislán. Lánþegar geti svo farið með mál sín fyrir dóm.

Mikil óvissa ríkir um áhrif hæstaréttardómanna, og virðist hver vísa á annan um túlkun þeirra. Samtök fjármálastofnana hafa beðið um leiðbeiningar frá stjórnvöldum en efnahags- og viðskiptaráðherra sagði í dag að málin yrðu að líkindum skýrð fyrir dómstólum. Ragna er á sama máli.

Réttarhlé er í hæstarétti sem kemur ekki saman aftur fyrr en í september. Ragna telur það ekki koma að sök því töluverðan tíma taki að leysa úr ágreiningsmálum á lægri dómsstigum. Hún leggur áherslu á að lánastofnanir komi fram af sanngirni meðan óvissa ríkir um lögmæti gjaldeyristengdu lánanna og forðist að ganga að eignum fólks upp í skuldir vegna þeirra.(ruv.is)

Það virðist rökrétt,að í fyrstu túlki lánastofnanir dóma hæstaréttar um bílalánin. Ef skuldarar eru ekki sáttir við túlkanir lánastofnana fara þeir með málin fyrir dómstóla og þá gefst þeim tækifæri til þess að túlka dómana.Dómarnir eru það óskýrir að það þarf að lokum að fá nýja dóma sem túlka vexti og annað sem óskýrt er.

 

Björgvin Guðmunsdsson