Við sama heygarðshornið: Árni Páll vill frysta bætur almannatrygginga

Bætur Tryggingastofnunar verða frystar frá áramótum, gangi áætlanir Félags- og tryggingamálaráðherra eftir. Þetta kom fram í erindi ráðherrans á ársfundi stofnunarinnar í dag.

Í ræðu sinni sagði Árni Páll Árnason, félags- og tryggingamálaráðherra að á næsta ári yrði að grípa til mestu aðhaldsaðgerðanna í þeirri fjögurra ára efnahagsáætlun sem unnið væri eftir. Hann sagðist vonast til að ekki þyrfti að koma til frekari beinna skerðinga í almannatryggingakerfinu. Hann vonar að á næsta ári sé hægt að sleppa við hækkanir, sem ella hefðu komið til um næstu áramót.

Því verða bætur almannatrygginga frystar á næsta ári, þannig er hægt að tryggja samfellu gagnvart þeim áformum sem uppi eru um að frysta laun opinberra starfsmanna.

Árni Páll sagði að víða þyrfti að spara í velferðarkerfinu, en þetta væru einu aðgerðirnar í almannatryggingakerfinu.(ruv.is)

 

Árni Páll hefur komið í veg fyrir allar hækkanir á lífeyri aldraðra og öryrkja allt undanfarandi ár.Og hann hefur einnig skert kjör lífeyrisþega um 4 milljarða sl. 1.júlí.En honum finnst ekki nóg að gert gagnvart lífeyrisþegum. Önnur ráðuneyti  eins og menntamálaráðuneyti,sjávarútvegsráðuneyti,efnahagsráðuneyti,iðnaðarráðuneyti og umhverfisráðuneyti hafa ekkert skorið niður í ár,jafnvel aukið útgjöldin.Það átti að standa vörð um velferðina en það er staðinn vörður um önnur ráðuneyti og valtað yfir aldraða og öryrkja.

 

Björgvin Guðmundsson

Athugasemdir

[Guðmundur Jónas Kristjánsson, 24.6.2010 kl. 21:07]

Árni Páll verður að safna í alla milljarðana sem fara í þetta eindæmis ESB-umsóknarbull.   Þá er til sandur af peningum.

[Baldur B.Maríusson (IP-tala skráð) 25.6.2010 kl. 12:33]

Það er að sjálfsögðu svona með alla þjófa.  Þegar menn hafa stolið einu sinni halda þeir því ávalt áfram nema kanski þeir sem settir eru inn til lengri tíma.  ÁPÁ sá fyrir því að vera settur inn með því að breyta lögum svo hann gæti stolið af ellilífeyrisþegum löglega.  Auðvitað er þetta ekkert nema þjófnaður þegar maður hefur greitt í um 60 ár í sjóð til elliárana þegar einn ráðherra, með aðstoð eigin laga, tekur Þetta af fólki með húð og hári.  Það væri kallaður þjófnaður ef ég tæki ófrjálsri hendi aura af einhverjum.