Vöruskiptin hagstæð um 63,9 milljarða fyrstu 6 mánuði ársins

Í júnímánuði voru fluttar út vörur fyrir tæpa 48,0 milljarða króna og inn fyrir 39,3 milljarða króna. Vöruskiptin í júní voru því hagstæð um 8,7 milljarða króna. Í júní 2009 voru vöruskiptin hagstæð um 6,2 milljarða króna á sama gengi.

Þetta kemur fram á vefsíðu Hagstofunnar. Þar segir að fyrstu sex mánuðina 2010 voru fluttar út vörur fyrir 277,4 milljarða króna en inn fyrir 213,6 milljarða króna. Afgangur var því á vöruskiptunum við útlönd sem nam 63,9 milljörðum en á sama tíma árið áður voru þau hagstæð um 41,9 milljarða á sama gengi. Vöruskiptajöfnuðurinn var því 22,0 milljörðum króna hagstæðari en á sama tíma árið áður.

Fyrstu sex mánuði ársins 2010 var verðmæti vöruútflutnings 14,6% meira á föstu gengi en á sama tíma árið áður. Sjávarafurðir voru 38,5% alls útflutnings og var verðmæti þeirra 5,3% meira en á sama tíma árið áður.

Útfluttar iðnaðarvörur voru 57,3% alls útflutnings og var verðmæti þeirra 45,1% meira en á sama tíma árið áður. Aukning varð í verðmæti útflutnings iðnaðarvara, aðallega áls. Einnig varð aukning í útflutningi sjávarafurða en samdráttur varð í útflutningi á skipum og flugvélum.
<!--[if !supportLineBreakNewLine]-->
<!--[endif]-->Fyrstu sex mánuði ársins 2010 var verðmæti vöruinnflutnings 13,4 milljörðum eða 6,7% meira á föstu gengi en á sama tíma árið áður. Aukning varð í innflutningi á hrá- og rekstrarvöru og fjárfestingarvöru en á móti kom samdráttur í innflutningi á flutningatækjum (visir.is)

Þetta eru góðar fréttir. Vöruskiptin eru  22 milljörðum hagstæðari en á sama tíma í fyrra. Það er einmitt vöruútflutningurinn,sem er að hjálpa okkur að  komast út úr kreppunni.

 

Björgvin Guðmundsson