Runólfur Ágústsson segir af sér

Runólfur Ágústsson, nýskipaður umboðsmaður skuldara, hefur sent félagsmálaráðherra bréf þess efnis að hann sé hættur sem umboðsmaður skuldara.

Hann segir að Árni Páll Árnason félagsmálaráðherra hafi hringt í sig í morgun og beðið sig að hætta sem umboðsmaður skuldara. Hann ætlar að verða við því. Þetta kom fram í Kastljósi kvöldsins.

Það var Sigmar Guðmundsson sem tók viðtalið við Runólf þar sem hann greindi frá þessu. Hann sagði að umboðsmaður skuldara gæti ekki sinnt starfinu nema með stuðningi frá ráðherra. Runólfur sagði að stór verkefni myndu bíða embættisins, þar á meðal um níu hundrað mál sem væru óafgreidd.

Hann sagði lítinn „mannsbrag" af frammistöðu Árna Páls í málinu og hefði ekki tekið á pólitíska högginu sem ráðningunni fylgdi.

Árni Páll Árnason bað Runólf um upplýsingar um fjármál hans, allt aftur til ársins 2003 um bæði persónulegar og um félög í hans eigu frá þeim tíma. Hann ætlar að senda umbeðin gögn enda séu þau ekkert leyndarmál.

Runólfur sagðist ekki vera neitt fórnarlamb í málinu og myndi ganga glaður út í sumarið. „Nú tekur bara eitthvað nýtt við," sagði hann.(visir.is)

Björgvin Guðmundsson

Athugasemdir

[Baldur B.Maríusson (IP-tala skráð) 4.8.2010 kl. 10:27]

Sæll Björgvin.

Er ekki þessi niðurstaða sem ég sagði við þig fyrir skömmu að þetta væri það rétta í málinu.  En mér finnst nú þegar hlutirnir eru komnir upp á borðið að sá eða þeir sem stóðu að þessari ráðningu vera þeir einu sem ættu að segja af sér því hvernig var staðið að þessari ráðningu er til háborrinnar skammar, þar eru þau félagsmálaráðherra, sá stórgáfði maður, ásamt aðstoðarmannesku sinni, ég held hún sé hjúkrunarkona að mennt.  Var það ekki hún sem líka lagði orð í munn Jóhönnu Sigurðar., þegar hún talaði um að eiga við VG fólkið væri eins og að smala saman köttum.

Svona fólk á að sjá sóma sinn í að víkja, áður en þau verða látin víka.

Þú hlýtur, sem gamal eðal krati, að vera sammála mér í þessu.

Kveðja,

Baldur

PS. Ekki má gleyma því að þessi ágæti ráðherra er með eldri borgara í einelti.  Það getur þú ekki þrætt fyrir.

BBM