Þeir,sem beita heimilisofbeldi,dæmdir í sálfræðimeðferð?

Til greina kemur að dæma menn sem beita maka sína heimilisofbeldi til sálfræðimeðferðar og skylda þá til að yfirgefa heimilið. Meðferð sem þessi hefur staðið til boða hér á landi í nokkur ár og hefur skilað árangri í tæplega 90% tilvika.

Í félagsmálaráðuneytinu er ný aðgerðaáætlun gegn kynbundnu ofbeldi í undirbúningi. Samkvæmt henni á að leggja fram frumvarp um nálgunarbann sem gerir það heimilt að fyrirskipa einstaklingum, sem beita heimilismenn sína ofbeldi, að yfirgefa heimilið. Þetta hefur verið kallað austuríska leiðin.

En í aðgerðaáætluninni eru líka hugmyndir um að efla meðferðarúrræði fyrir unga ofbeldismenn og aðra karla sem beita konur og börn ofbeldi.

Meðferðarúrræði af því tagi eru nú þegar til. Til að mynda verkefnið karlar til ábyrgðar, sem veitir körlum sem beita ofbeldi sálfræðimeðferð. Ýmsar hugmyndir eru uppi um að efla verkefni af þessu tagi.

Andrés Ragnarsson sálfræðingur segir að alls kyns hugmyndir séu uppi, til dæmis austurríska leiðin. „Þá eru gerendur fjarlægðir af heimilinu, en ekki þolendurnir," segir hann.

Meðferð af þessu tagi hefur reynst ótrúlega vel hér á landi Hér landi sýna tölur að meðferð af þessu tagi hefur skilað árangri í tæplega 90% tilvika. (visir.is)

 

Björgvin Guðmundsson

 

 

Athugasemdir

[Jóhann Kristjánsson (IP-tala skráð) 9.8.2010 kl. 01:03]

Skyldi þetta ná einnig yfir konur sem beita börnum fyrir sig í umgengnisdeilum og tálma umgengni, Það er að segja beita tálmunarofbeldi?