Verðbætur eru taldar fjármagnstekjur!

Landssamband eldri borgara hefur gagnrýnt harðlega að verðbætur vegna verðbólgu séu taldar fjármagnstekjur og látnar skerða lífeyri aldraðra frá almannatryggingum.En þannig er það í dag. Jafnframt gagnrýnir Landssamband eldri borgara að lágmarksframfærslutrygging sé aðeins rúmlega helmingur þess,sem Hagstofan telur fólk þurfa til neyslu og að umrædd framfærslutrygging nýtist aðeins litlum hópi aldraðra ( 412 manns). Samkvæmt neyslukönnun Hagstofunnar í desember sl. þarf hver einstaklingur 297 þús. kr. til neyslu að jafnaði. Engir skattar eru innifaldir í þeirri tölu,hvorki til ríkis eða sveitarfélaga og ekki fasteignagjöld. Lágmarksframfærslutrygging TR er 156 þús. á mánuði eftir skatta.Það er sambærileg tala við 297 þús. hjá Hagstofunni.Það vantar því mikið upp á að sú hungurlús,sem TR skammtar öldruðum dugi til framfærslu.

 

Björgvin Guðmundsson