Fyrningarleiðin:Á að svíkja stærsta málið?

Björn Valur þingmaður VG  og starfsmaður Brims hefur alla tíð verið á móti fyrningarleiðinni í sjávarútvegsmálum.Svo er einnig með sjávarútvegsráðherrann,Jón Bjarnason.Hann hefur alla tíð dregið lappirnar í málinu.Björn Valur lætur hafa eftir sér,að stutt sé í að "sátta"nefndin skili áliti. Segir hann að sennilega verði lögð til fleiri en ein leið en m.a. sé rætt um að úthluta veiðiheimildum til langs tíma. Hann hefur áður minnst á það.Ef það  verður niðurstaðan að úthluta veiðiheimildum til langs tíma,jafnvel margra ára í stað eins árs í senn er verra af stað farið en heima setið.Það er þá ekki aðeins verið að koma í veg fyrir fyrningarleiðina heldur verið að láta kvótakóngana fá veiðiheimildir til margra ár á senn.Það er von,að sljákkað hafi í LÍÚ þegar þeir sjá ef til vill fram á að fá betra fyriirkomulag en það sem nú gildir.

Þessar bollaleggingar eru hreint hneyksli. Samfylkingin boðaði fyrningu aflaheimilda á 20 árum í kosningunum í fyrra. Flokkurinn fékk  talsvert fylgi út á það kosningaloforð.Þetta stefnumál fór inn í stjórnarsáttmálann. VG samþykkti þetta stefnumál. Hvernig getur svokölluð sáttanefnd þá verið að makka við LÍÚ um að úthluta aflaheimildum til langs tíma. Það eru hrein svik.Kjósendur láta ekki bjóða sér þetta. Þeir munu ekki sætta sig við  það að þetta mikla kosningaloforð verði svikið. Þeir krefjast efnda.

 

 Björgvin Guðmundsson