Sigurður Líndal: Heildarendurskoðun stjórnarskrár óþörf

Það er óþarfi að fara í heildarendurskoðun á stjórnarskránni, segir Sigurður Líndal, fyrrverandi lagaprófessor við Háskóla Íslands. Hann segir að best sé að sé að breyta stjórnarskrám í áföngum en ekki í heild.

Sigurður benti á það í þættinum Sprengjasandi á Bylgjunni að íslensku stjórnarskránni hefði margsinnis verði breytt. „Það er ekkert mikið eftir af stjórnarskránni frá 1874," segir Sigurður. Hann bendir til að mynda á að mannréttindakaflinn í stjórnarskránni sé nýr en hann hafi verið settur í stjórnarskrána til að samræma hana Mannréttindasáttmála Evrópu.

Sigurður segist telja að umræðan um heildarendurskoðun á stjórnarskránni sé að mestu leyti komin til vegna bankahrunsins. Það sem Íslendingar þurfi hins vegar á að halda sé hugarfarsbreyting og að menn fari betur eftir því sem stjórnarskráin segi. „Ég sé ekki alveg að hvaða leyti það var stjórnarskránni að kenna að hrunið varð," segir Sigurður. (visir.is)

Ég er sammála Sigurði. Það eru aðeins fá atriði,sem þarf að breyta í stjórnarskránni.Það þarf að setja í stjórnarskrá að fiskveiðiauðlindin sé sameign þjóðarinnar.Síðan þarf að setja ákvæði í stjórnarskrá um þjóðaratkvæðagreiðslur.En það sem er fyrst oig fremst að er það  að ekki er farið eftir stjórnarskránni. Það ríkir virðingarleysi fyrir henni og á við  ráðherra sem aðra.Það þarf að breytast.,