Hagstofan:Laun hafa hækkað

Samkvæmt vísitölu launa voru regluleg laun að meðaltali 1,2% hærri á öðrum ársfjórðungi 2010 en í ársfjórðungnum á undan.

 

Þetta kemur fram á vefsíðu Hagstofunnar. Þar segir að á sama tímabili hækkuðu laun á almennum vinnumarkaði um 1,5% en laun opinberra starfsmanna hækkuðu um 0,4% að meðaltali. Frá fyrra ári hækkuðu laun um 4,6%, þar af 5,7% á almennum vinnumarkaði og um 1,9% hjá opinberum starfsmönnum.

 

Frá fyrri ársfjórðungi hækkuðu laun tækna og sérmenntaðs starfsfólks mest eða um 1,9% en laun iðnaðarmanna og verkafólks minnst eða um 1,2%. Frá fyrra ári hækkuðu laun á bilinu 4,5% til 7,4%, mest hækkuðu laun þjónustu-, sölu- og afgreiðslufólks en stjórnenda minnst.

 

Frá fyrri ársfjórðungi mældist hækkun launa í fjármálaþjónustu, lífeyrissjóðum og vátryggingum 1,9% en laun í byggingarstarfsemi og mannvirkjagerð 1,0%. Frá fyrra ári hækkuðu regluleg laun mest í samgöngum og flutningum 7,8 % en minnst í byggingastarfsemi og mannvirkjagerð um 3,6%.(visir.is)

Hér er átt við öll laun,eða meðaltalshækkun  launa á almennum markaði og hjá hinu opinbera. En  laun þeirra lægst launuðu hafa hækkað mikið meira en laun almennt.Laun þeirra,sem hafa laun undir 220 þús. á mánuði hafa hækkað um 16% á rúmu ári.

 

Björgvin Guðmundsson