Ákærur gegn ráðherrum ræddar á alþingi á morgun

Ákærur gegn fyrrverandi ráðherrum í ríkisstjórn Íslands verða ræddar á þingfundi sem hefst klukkan hálfellefu á morgun. Tvær þingsályktunartillögur verða ræddar.

Annars vegar er þingsályktunartillaga frá meirihluta í þingnefnd Atla Gíslasonar um rannsóknarskýrsluna. Samkvæmt henni verða fjórir fyrrverandi ráðherrar ákærðir, þau Geir Haarde, Ingibjörg Sólrún Gísladóttir, Árni Mathiesen og Björgvin G. Sigurðsson. Hin tillagan, frá fulltrúum Samfylkingarinnar í nefndinni, gerir ráð fyrir að öll hin fyrrgreindu nema Björgvin G. Sigurðsson verði ákærð.

Umræðu um skýrslu þingmannanefndarinnar lauk í gær en hún hafði þá staðið yfir í þrjá daga samfleytt. Umræðan snerist að miklu leyti um úrbætur í stjórnkerfinu.
(visir.is)

Ábyrgð alþingis er mikil.Alþingi þarf að ákveða hvort og hverja á að ákæra af ráðherrum. Ráðherraábyrgð firnist á 3 árum þannig,að alþingi eru mikil takmörk sett að þessu leyti til. Ekki er unnt að sakfella aðra ráðherra en  þá sem verið hafa ráðherrar sl. 3 ár!

 

Björgvin Guðmundsson