Kaup Magma á HS Orku lögleg

Nefndin sem skipuð var til þess að athuga hvort kaup Magma Sweden á HS Orku væru lögleg hefur lokið störfum,,a.m.k. að hluta til.Niðurstaðan er sú,að kaupin hafi verið lögleg. Magma Sweden sé löglegt félag.

Þetta kemur ekki á óvart. Það var nokkuð fyrirsjáanlegt,að Magma hefði gengið löglega frá stofnun dótturfélags í Svíþjóð. Það mun algengt,að fyriirtæki eigi eignarhaldsfélög í öðrum löndum og starfsemi slíkra félaga er lögmæt.T.d. á Samherji slíkt eignarhaldsfélag erlendis og hefur það með höndum útgerð ytra. Hvort slík félög eru kölluð skúffufyrirtæki eða ekki skiptir ekki máli. Félögin eru lögleg. Það skiptir öllu.

Ef ríkisstjórnin vill eftir sem áður stöðva starfsemi Magma á Íslandi verður að semja við Magma. Það gæti orðið dýrt fyrir Ísland. Við höfum nóg annað við peningana að gera í bili.Ef til vill mundi Magma vilja selja lífeyriissjóðum hlut í HS Orku. Það má athuga það.