Gagnrýnisverð framkoma þingmannanefndarinnar

Bréf þingmannanefndar sem fjallaði um rannsóknarskýrslu Alþingis var skýrt, segir þingmaður Framsóknarflokks sem á sæti í nefndinni. Viðbrögð Ingibjargar Sólrúnar séu skiljanleg þar sem niðurstaða nefndarinnar hljóti að vera henni áfall.

Atli Gíslason, formaður nefndarinnar, sagði í Kastljósi á föstudag að Ingibjörg Sólrún Gísladóttir, fyrrverandi utanríkisráðherra, hefði misskilið ósk nefndarinnar um að koma athugasemdum á framfæri við nefndina. Ljóst hefði verið að beðið hefði verið um viðbrögð við ráðherraábyrgð.

Ingibjörg Sólrún sagði á facebook síðu sinni í gær að það væri aftur á móti Atli sem væri að misskilja stöðuna. Hún hafi aðeins verið beðin um að bregðast við skýrslu Rannsóknarnefndar Alþingis en þar hafi niðurstaðan í hennar máli verið sú að hún hefði ekki brotið gegn lögum um ráðherraábyrgð.

Eygló Harðardóttir, þingmaður sem á sæti í nefndinni, segir það hafa komið skýrt fram í bréfi nefndarinnar að hún væri ekki bundin af niðurstöðu rannsóknarnefndarinnar.

Þá segir Ingibjörg Sólrún að sú spurning hljóti að vakna hvort einbeittur ákæruvilji Atla og fleiri sé ekki byggður á þeim misskilningi að betra sé að veifa röngu tré en öngu.(visir.is)

 

Eygló Harðardóttir reynir að styðja við bakið á formanni nefndarinnar,Atla Gíslasyni.Það tekst þó fremur óhönduglega.Eygló segir,að það hafi komið skýrt fram í bréfi nefndarinnar,að hún væri ekki bundin af niðurstöðu rannsóknarnefndarinnar.En hefði nefndin þá ekki átt að taka fram í bréfum til ráðherranna fjögurra,sem hún vill ákæra, hvaða ákæruatriði væri um að ræða. Það var ekki gert í bréfinu til Ingibjargar Sólrúnar.Málatilbúnaður þingmannanefndarinnar er því algert klúður.

 

Björgvin Guðmundsson

''''

 

 

•  
  •  

 

•  
  •  

Athugasemdir

[Björn Birgisson, 19.9.2010 kl. 17:01]

Allt málið er klúður. Það á að falla frá kærumálunum. Þau eru þinginu til skammar. Annað í starfi Atlanefndarinnar er líklega ágætt og gagnlegt.