Fyrningarleiðin: Eru svikin fullkomnuð?

Jón Bjarnason sjávarútvegsráðherra sagði í viðtali við fjölmiðil í gær,að nú yrði farið að semja frumvarp í ráðuneytinu um sjávarútvegsmálin,kvótakerfið.Samkvæmt  því er ljóst,að hann ætlar að láta semja frumvarp um að afhenda kvótakóngunum kvótana til 15-25 ára eins og samningaleið sáttanefndarinnar kveður á um.Þetta eru efndir stjórnarflokkanna á loforðinu um að fara fyrningarleiðina og fyrna aflaheimildir á 20 árum.Efndir felast þá í því að  festa kvótakerfið  í sessi og láta kvótakóngana fá kvótana til langs tíma. Von var,að LÍÚ fengist  aftur að samningaborðinu.Ólína Þorvarðardóttir þingmaður Samfylkingar og fulltrúi í sáttanefndinni kvaðst ekki sátt við niðurstöðu nefndarinnar og taldi,að nú yrði ríkisstjórnin að taka við málinu og gera á því breytingsr.Jafnvel Guðbjartur Hannesson formaður sáttanefndarinnar gerði vissar athugasemdir.En ekkert bólar á  því að ríkisstjórnin ætli að breyta tillögum sáttanefndarinnar þannig að þær samræmist kosningaloforðum stjórnarflokkanna.Enn er þó tími til stefnu, ef kjósendur eiga eitthvað að hafa að segja í málinu.

 

Björgvin Guðmundsson