Munu þingmenn opna leið til þess að fangelsa fyrrum ráðherra (Geir,Árna,Ingibjörgu Sólrúnu og Björgvin G.Sig.)

Í fyrramálið kl. 10.30  halda umræður áfram á alþingi um það hvort ákæra eigi 4 fyrrverandi ráðherra fyrir landsdómi.Á milli umræðna hefur þingmannanefndin fjallað um tillögur til þingsályktunar um ákærur á hendur fyrrverandi ráðherrum og einnig hefur allsherjarnefnd fjallað um málið.Engar breytingar voru gerðar á tillögunum í nefndunum.Miðað við þær miklu umræður,sem urðu um mál þetta á alþingi og miðað við mikilvægi málsins hefði mátt ætla að nefndirnar mundu gera einhverjar breytingar á tillögunum en svo varð ekki.Hugsanlega kemur eitthvað nýtt fram við umræður um málið á morgun og næstu daga en síðan verður atkvæðagreiðsla um það hvort ákæra eigi eða ekki.Um leið og þingmenn ákveða að ákæra fyrrum ráðherra getur verið að þeir séu að opna leið til þess að fangelsa þessa fyrrum ráðherra.

Spurningin er sú hvort sakarefnið sé þess eðlis að það réttlæti fangelsun.Eitt sakarefnið er það,að ekki hafi verið haldinn ráðherrafundur (ríkisstjórnarfundur) þegar það átti að gera.Ekki getur það talist fangelsissök.Annað sakarefni er að ráðherrarnir hafi ekki fylgt því eftir að útibú Landsbankans um Icesave væru  sett í dótturfyrirtæki í Bretlandi og Hollandi.Hafa ber í huga,að  Landsbankinn  var einkafyrirtæki og einungis Fjarmálaeftirlitið hafði lagaheimildir til þess að hafa afskipti af starfsemi Landsbankans.Seðlabankinn gat einnig  hlutast til um starfsemi bankanna.Að sjálfsögðu höfðu ráðherrar ekki afskipti af daglegum rekstri bankanna.Og þó segja megi eftir á,að ráðherrar hefðu átt að fylgjast betur með starfsemi FME og Seðlabankans vita menn,að ráðherrar fylgjast ekki stöðugt með starfsemi undirstofnana sinna.Þetta sakarefni stenst því ekki. Önnur sakarefni,sem eru nefnd eru svipuð. Þau eru matskennd og ekki verður séð,að  þau nægi til sakfellingar.Persónulega til ég að sakir séu meiri hjá þeim,sem komu á einkavæðingu bankanna og klúðruðu henni. Einkavæðing bankanna er upphaf hrunsins.

 

Björgvin Guðmundsson