Samþykkt að ákæra Geir Haarde.Ranglátt

Geir H. Haarde, fyrrverandi forsætisráðherra verður einn ákærður og dreginn fyrir landsdóm en Alþingi samþykkti ekki ákærur gegn hinum þremur ráðherrunum.

Þá stóð tæpt hvort Árni M. Mathísesen, fyrrverandi fjármálaráðherra hefði verið ákærður.

Úrslit atkvæðagreiðslunnar voru eftirfarandi:

Björgvin G. Sigurðsson fyrrverandi viðskiptaráðherra verður ekki stefnt fyrir landsdóm samkvæmt niðurstöðum úr atkvæðagreiðslu á Alþingi.

35 þingmenn greiddu atkvæði gegn því að Björgvini yrði stefnt fyrir landsdóm en 27 þingmenn vildu að honum yrði stefnt.

Árna M. Mathiesen fyrrverandi fjármálaráðherra verður ekki stefnt fyrir landsdóm samkvæmt niðurstöðum úr atkvæðagreiðslu á Alþingi.

32 þingmenn greiddu atkvæði gegn því að Árna yrði stefnt fyrir landsdóm en 31 þingmenn vildu að honum yrði stefnt.

Ingibjörg Sólrún Gísladóttir, fyrrverandi utanríkisráðherra, verður ekki stefnt fyrir landsdóm samkvæmt niðurstöðum úr atkvæðagreiðslum á Alþingi.

34 þingmenn greiddu atkvæði gegn því að Ingibjörgu yrði stefnt fyrir landsdóm en 29 þingmenn vildu að henni yrði stefnt.

Geir H. Haarde fyrrverandi forsætisráðherra verður stefnt fyrir landsdóm samkvæmt niðurstöðum úr atkvæðagreiðslu á Alþingi sem var að falla.

33 þingmenn greiddu atkvæði með því að Geir yrði stefnt fyrir landsdóm en 30 þingmenn vildu ekki að Geir yrði stefnt.(visir.is)

Mjög tæpt stóð í atkvæðagreiðslunum. Ég tel,að allir 4 fyrrverandi ráðherrar hefðu átt að sleppa við ákærur,þar eð ekki var unnt að sýna fram á,að  þeir hefðu brotið af sér þannig,að refsivert væri.Ég tel ranglátt að ætla að leiða Geir Haarde fyrir landsdóm. Honum hafa sjálfsagt verið mislagðar hendur eins og fleirum en hann var strangheiðarlegur stjórnmálamaður og vann vel. Það var ekki Geir,sem brást heldur var það frjálshyggjan sem flokkur hans aðhylltist.Hún brást.

 

Björgvin Guðmundsson