BHM krefst kjaraleiðréttingar

BHM segist ekki ætla að taka þátt í framlengingu stöðugleikasáttmálans á grundvelli boðaðrar láglaunastefnu eins og hún birtist í fjárlagafrumvarpi næsta árs. Í tilkynningu frá BHM kemur fram að með þátttöku sinni í stöðugleikasáttmálanum hafi ríkisstjórninni verið veitt tóm til að hefja endurskipulagningu opinberrar þjónustu og endurreisn atvinnulífsins. Það tóm hafi ekki verið nýtt.

Þá er í tilkynningunni krafist kjaraleiðréttingar félagsmanna hjá hinu opinbera, sem hafi verið samningslausir í hálft annað ár.  Launamenn á vinnumarkaði hafi hinsvegar almennt fengið 2,5% launahækkun í sumar.  Fyrirliggjandi frumvarp til fjárlaga beri með sér vanvirðingu fyrir menntun á vinnumarkaði og sé alvarleg árás á millitekjuhópa og sér í lagi ungt langskólagengið fólk.

Þá mótmælir BHM boðaðri skerðingu fæðingarorlofs. Skerðingin sé aðför að jafnrétti kynjanna og andstæð ákvæðum laga um fæðingarorlof.(ruv.is)

Það er eðlilegt að BHM krefist kjaraleiðréttingar.Samtökin hafa ekki fengið hækkun fyrir sína félagsmenn eins og launamenn  á almennum markaði. BHM er að þessu leyti í sömu stöðu og lífeyrisþegar,sem ekki hafa fengið neina leiðréttingu.Vegna verðbólgunnar hafa þessir hópar því sætt kjaraskerðingu.

 

Björgvin Guðmundsson