Athyglisverðar greinar Jónínu Bjartmarz

Jónína Bjartmarz fyrrverandi ráðherra skrifar athyglisverða grein í Fréttablaðið i dag um ákærur gegn fyrrverandi ráðherrum.Er þetta önnur greinin,sem hún ritar í Fréttablaðið um sama efni.Í greininni í dag bendir Jónína m.a. á,að rannsóknarnefnd alþingis hafi ekki komist að þeirri niðurstöðu að 4 fyrrverandi ráðherrar hafi gerst sekir um vanrækslu í starfi samkvæmt lögum um ráðherraábyrgð heldur samkvæmt lögum nr. 42/2008 ,þ.e. lögum rannsóknarnefnd alþingis.Hér er mikill munur á. Þingmannanefnd Atla Gíslasonar hefur ávallt fjallað um mál þetta eins og rannsóknarnefndin hafi byggt mál sitt á lögum um ráðherraábyrgð en svo var ekki. Hún byggði mál sitt á lögunum um rannsóknarnefnd alþingis.

Jónína Bjartmarz  gagnrýnir það harðlega að  sakfella eigi einn mann fyrir hrunið.Hún telur það ranglátt.Ég er sammála því.

 

Björgvin Guðmundsson