Hallarekstur ríkissjóðs 30 milljörðum minni en fjárlög gerðu ráð fyrir

Hallarekstur ríkissjóðs dregst saman um nærri 30 milljarða króna á þessu ári miðað við það sem gert var ráð fyrir í fjárlögum ársins, samkvæmt frumvarpi til fjáraukalaga sem lagt var fram á Alþingi í gær. Tekjur ríkissjóðs aukast um tæpa 9 milljarða en rekstrargjöld dragast samtals saman um nærri 20 milljarða.

Mest munar um lækkun vaxtagreiðslna ríkissjóðs en þær eru 20 milljörðum króna lægri á árinu en ráð var fyrir gert. Á móti hækka nokkrir gjaldaliðir, meðal annars vegna eldgosanna á Fimmvörðuhálsi og í Eyjafjallajökli.

Í frumvarpinu má meðal annars lesa út að áætlaður kostnaður ríkissjóðs vegna undirbúnings og framkvæmdar stjórnlagaþings verður 340 milljónir en kosningar til stjórnlagaþings kosta um 200 milljónir.

 

Björgvin Guðmundsson