3600 manns áttu meira en 100 milljónir hver!

Íslenskum auðmönnum fer fjölgandi samkvæmt upplýsingum í Tíund, tímariti Ríkisskattstjóra. Þar segir að rösklega 3,600 manns hafi átt meira en hundrað milljónir króna hver, í fyrra.

Þetta er fjölgun um 520 frá árinu áður og var heildareign hópsins í fyrra rúmlega 750 milljarðar króna og hafði aukist um 77 milljarða á milli ára.

Einnig kemur fram í Tíund að fimm þessara auðmanna, sem allir höfðu yfir 40 milljónir í tekjur í fyrra, eða röskar þrjár milljónir á mánuði, fengu greiddar atvinnuelysisbætur í fyrra, tæpa milljón á mann(ruv.is)

Þessar tölur leiða í ljós,að það eru enn til peningar á Íslandi. Og það ætti  að vera óhætt að skattleggja vel auðmenn sem eiga jafnmikið af peningum og hér er getið um.Það er nauðsynlegt að þessi hópur auðmnanna taki þátt í endurreisn þjóðarinnar ekki síður en almenningur.

 

Björgvin Guðmundsson