Mest skorið niður í almannatryggingum og félagsmálum

Þegar litið er á niðurskurð ríkisútgjalda á yfirstandandi ári kemur í ljós,að niðurskurður er mestur í almannatryggingum og félagsmálum,meiri en í heilbrigðismálum þrátt fyrir allan hávaðann þar og meiri en í samgöngumálum.Skorið er niður um 7,3 milljarða hjá félags-og tryggingamálaráðuneyti en í heilbrigðismálum er skorið niður um 4,8 milljarða.Þetta skýtur nokkuð skökku við þar eð ríkisstjórnin lofaði að hlífa velferðarkerfinu.Við það er ekki staðið.Þannig sparar ríkisstjórnin 2,7 milljarða á því að frysta áfram bætur almannatrygginga enda þótt kjarasamningar séu lausir  en hún lætur til baka 350 millj. af þessum 2,7 milljörðum til þess að greiða hungurlús í verðbætur á hluta lífeyris!

Ef litið er á niðurskurð annarra ráðuneyta kemur eftirfarandi í ljós:

Niðurskurður í fjármálaráðuneyti er 1,6 milljarðar,í menntamálaráðuneyti 3,9 milljarðar,í dómsmálaráðuneyti 1,5 milljarðar,í utanríkisráðuneyti 1 milljarður og í samgönuráðuneyti 6,1 milljarður. Í umhverfisráðuneyti,iðnaðarráðuneyti og efnahags-og viðskiptaráðuneyti er enginn niðurskurður og heldur ekki í forsætisráðuneyti. I efnahagsráðuneytiu og forsætisráðuneyti aukast útgjöldin lítillega.

Forgangsröðin er ekki rétt.Það er verið að skera niður hjá þeim,sem minnst mega sín en hlífa öðru.

 

Björgvin Guðmundsson