Frumvarp um skipan stjórnlagaráðs.Ögmundur á móti

Oddvitar ríkisstjórnarinnar, þau Jóhanna Sigurðardóttir og Steingrímur J. Sigfússon tillkynntu eftir ríkisstjórnarfund í morgun að á næstunni verði lagt fram frumvarp á Alþingi um að þeir 25 sem efstir urðu í stjórnlagaþingskosningum verði skipaðir í stjórnlagaráð. Ögmundur Jónasson, innanríkisráðherra, er andvígur því.

Hann segist ekki styðja þá hugmynd að skipa stjórnlagaþingsráð með þeim 25 sem urðu efstir í stjórnlagaþingskosningunum. Hann segir að hlíta eigi úrskurði Hæstaréttar í málinu. Ögmundur segir að ef þetta verði niðurstaða Alþingis þá verði það niðurstaða Alþingis. Sú niðurstaða fáist þó ekki með hans atkvæði eða stuðningi.(ruv.is)

 

Það er skaði,að ríkisstjórnin skuli ekki vera einhuga um skipan stjórnlagaráðs.Svo virðist,sem það hefði ef til vill  verið brýnna að ríkisstjórnin hefði reynt að koma sér saman um skipan mála varðandi stjórnlagaþing eftir að hæstiréttur úrskurðaði kosningar til stjórnlagaþings ógildar í stað þess að skipa nefnd um málið. En um leið og ákveðið var að skipa nefnd allra flokka um málið var ljóst,að komið gæti tillaga frá nefndinni,sem allir í stjórninni væru ef til vill  ekki sáttir við.Það kom á daginn.

 

Björgvin Guðmundsson

Athugasemdir

[hilmar jónsson, 25.2.2011 kl. 13:35]

Já þetta er svona frekar glatað hjá Ögmundi.